Dinmuhamed Qonaevtyń týǵan kúni qarsańynda Qonaev qalasyndaǵy 80 otbasy baspanaly boldy.
Aldymen barsha jurt D.Qonaevtyń týǵanyna 113 jyl tolýyna oraı, eskertkishine gúl shoqtaryn qoıdy. Keıinnen Mádenıet úıinde memleket jáne qoǵam qaıratkerin eske alý keshi ótti.
Sharaǵa qala ákimi Ashat Berdihanov qatysyp, D.Qonaevtyń ór tulǵaly azamat bolǵany jaıynda mańyzdy derekterge toqtaldy.
«Búgin biz úshin erekshe kún. Sebebi, dál osy kúni, 1912 jyldyń 12 qańtarynda qalamyzǵa esimi berilgen elimizdiń dańqty perzenti, memleket jáne qoǵam qaıratkeri Dinmuhamed Ahmetuly Qonaev dúnıe esigin ashty. Qonaev atamyz el basqarǵan jyldary keń baıtaq qazaq jerinde 68 jumysshylar kenti men 43 qala salyndy. Ol Ile ózeniniń boıyna bógen saldyryp, jańa sý elektr stansasynyń boı kóterýine, osy mańda jańa Qapshaǵaı qalasynyń irgetasy qalanýyna eńbek sińirdi», - dedi Ashat Berdihanov.
Sodan keıin áleýmettik osal toptaǵy otbasylarǵa jáne kezekte turǵan azamattarǵa 80 páterdiń kilti tabys etildi.
Shaǵyn konerttik baǵdarlamadan soń, shahar basshysy búgin baspanaly bolǵan eki otbasynyń úıine baryp, quttyqtap shyqty.
«Ózim kópbalaly anamyn, 7 balam bar. Úı kezeginde 17 jyldan beri turǵanmyn. Búgin atamyzdyń týǵan kúninde jaqsy jańalyq bolyp, úıge qolymyz jetti. Qýanyshtymyn! Áleýmettik osal toptaǵylardy, kópbalaly analardy, jetimder men ardagerlerdi qoldap júrgen memlekettik qyzmetkerlerge alǵysym sheksiz», – dedi úı ıesi Nazym Ahmetova.
Aıta keteıik, páterler jekeshelendirý quqyǵynsyz jalǵa berildi. Jalǵa alý quny - qoljetimdi. Byltyr Qonaevta 85 otbasyǵa páter kilti tabystalǵan bolatyn.
