AQSh-tyń saılanǵan prezıdenti Donald Tramp Kanadany 51-shtatqa aınaldyrý týraly daý týdyrǵan usynystary aıasynda Kanada AQSh-qa qosylsa karta qandaı bolatynyn kórsetetin eki birdeı karta jarııalady, dep habarlaıdy «Adyrna» ulttyq portaly.
Tramptyń Truth Social áleýmettik jelisinde Kanada aýmaǵy AQSh-tyń túsimen boıalǵan jáne onda "Qurama Shtattar" degen qara tústi jazý bar.
Eske salsaq, buǵan deıin Tramp Truth Social jelisinde "eger Kanada men AQSh birigetin bolsa", eki el de paıda kóretinin jazǵan. Qarasha aıynyń sońynda ol Kanadadan ákelinetin ımportqa 25 paıyzdyq baj salyǵyn engizetinin jarııalaǵan bolatyn.
Keıin Kanada bıligi AQSh-tyń saılanǵan prezıdentiniń usynysyna úzildi-kesildi qarsylyq bildirdi. Óz pikirlerin H áleýmettik jelisinde Kanada premer-mınıstri Djastın Trıýdo men syrtqy ister mınıstri Melanı Jolı jarııalady.
"Kanadanyń Qurama Shtattardyń bir bóligi bolýyna eshqandaı múmkindigi joq. Eki el de saýda men qaýipsizdik salasyndaǵy eń iri seriktes bolǵandyqtan utady", – dep jazdy Trıýdo.
Al Jolı óz kezeginde, Tramptyń bul pikirleri Kanadany myqty el etetin nárselerdi múlde túsinbeıtinin kórsetti dep málimdedi.
