6 qańtarda vıe-prezıdent Kamala Harrıs tóraǵalyq etetin AQSh Kongresi Donald Tramptyń prezıdenttik saılaýdaǵy jeńisin rastaıdy, dep habarlaıdy «Adyrna» tilshisi.
Ókilder palatasy men Senattyń birlesken otyrysynda daýystardyń jalpy sany sanalyp, kýálandyrylady.
Sheteldik BAQ-tyń málimetinshe, jıynǵa qazirgi prezıdent Djo Baıden men AQSh-tyń saılanǵan prezıdenti Donald Tramp qatyspaıdy.
Eske salaıyq, 4 jyl buryn saılaý nátıjelerin bekitý rásimi narazylyqtar men tártipsizdikterge ulasqan edi. 2021 jyly Donald Tramp jaqtastarynyń toby Kongreske basyp kirip, AQSh parlamentiniń qarashadaǵy prezıdent saılaýynyń nátıjesin kýálandyrýǵa arnalǵan ortaq otyrysyn toqtatyp tastaǵan bolatyn.
