Kokorın men Mamaev merziminen buryn bosatyldy

302

Máskeýde  sottalǵan fýtbolshylar Aleksandr Kokorın men Pavel Mamaev jazasyn ótep jatqan kolonııadan shyqty dep habarlaıdy "Adyrna" VVS-diń orys qyzmetine silteme jasap. Belgorod oblysyndaǵy Alekseevskıı soty olardy 6 qyrkúıekte shartty túrde merziminen buryn bosatý týraly sheshim qabyldady, sot sheshimine shaǵym berilmedi jáne 10 kúnnen keıin ol kúshine endi. Oıynshylarmen birge Kokorınniń inisi Kırıll de bosatyldy.

Prokýratýra oıynshylardyń merziminen buryn bosatylýyn qoldady, dep habarlady departament. Olar kolonııada «ózderin jaqsy jaǵynan kórsetip, dereý jumysqa ornalasty, eki ret yntalandyrý aldy».

Seısenbide kolonııa janynda  ondaǵan adam jınaldy - olardyń kóbi Kokorın men Mamaevty qarsy alýǵa kelgen jýrnalıster edi. Kolonııa basshylyǵy mundaı ajıotajǵa  daıyn bolyp shyqty.  Qorshaýdyń  tikendi symdarynyń boıynda arnaıy jasaq,  polıııa jáne kınologtar turdy.

Aǵaıyndy Kokorınderdi qarsy alýǵa týystary kelipti. Mamaevty qarsy alǵan eshkim kórinbedi.

Jýrnalısterdi tań qaldyrǵan fýtbolshylardyń advokatynyń málimdemesi boldy. Kokorın "Zenıtpen" kelisim-shartqa otyrdy, al Mamaev resmı túrde "Krasnodar" oıynshysy bolyp qalady.

Keıinirek Reseı Fýtbol Odaǵy «zenıttik» fýtbolshynyń Reseı  Chempıonatyna qatysatyndyǵy týraly málimdedi.

 

Oıynshylar ne sebepti erte bosatyldy?

Sportshylar kolonııada ózderin jaqsy ustady jáne jaqsy jaǵynan kórsete bildi sol sebepti shartty túrde merziminen buryn bosatty, dep habarlady Federaldy penıtenıarlyq qyzmet (FSIN) dırektorynyń orynbasary Valerıı Maksımenko sot sheshim qabyldaǵan kúni.

Ol «Interfaksqa» fýtbolshylardyń salaýatty ómir saltyn nasıhattaǵanyn jáne olardyń arqasynda «búkil elde sporttyq bastama iske qosylyp, kóptegen tergeý ızolıatorlarynda sporttyq nysandar, beltemirler men brýsıalar  jasalyp jatyr, sporttyq qural-jabdyqtar satyp alynýda» dep málimdedi.

«Oıynshylardyń arqasynda jaı ǵana temeki shegip otyratyn tutqyndardyń jartysynan kóbi salaýatty sporttyq ómir saltyn ustanýdy bastady», - dedi Maksımenko.

Kokorın men Mamaev 2018 jyldyń qazan aıynda qamaýǵa alyndy, mamyrda Presnenskıı soty olardy Máskeý ortalyǵynda 8 qazanda tańerteńgilik bolǵan eki tóbeleske qatysqany úshin kináli dep tapty.

Alǵashqy tóbeles Beıjiń qonaqúıinde bolyp, nátıjesinde Birinshi arna qyzmetkeriniń júrgizýshisi zardap shekti. Osydan keıin Indýstrııa jáne saýda mınıstrligi departamentiniń dırektory Denıs Pak jáne «NAMI» Memlekettik ǵylymı ortalyǵynyń bas dırektory Sergeı Gaısınmen «Kofeemanııada» Úlken Nıkıtskaıa kóshesindegi ekinshi tóbeles boldy.

«Krasnodardyń» jartylaı qorǵaýshysy Mamaev bir jyl bes aıǵa, al «Zenıt» shabýylshysy Kokorın bir jyl alty aıǵa túzeý kolonııasyna kesilgen bolatyn. Sottalýshylar kinálaryn jartylaı moıyndaǵan bolatyn.

 

Pikirler