30 jeltoqsanda Ońtústik koreıalyq Jeju Air áýe kompanııasynyń ushaǵy ishki reıs oryndaý kezinde ushyp shyqqan áýejaıyna qaıta oraldy. Oǵan shassıdegi aqaý sebep bolǵan, dep habarlaıdy «Adyrna» tilshisi.
Ushqyshtar 7C101 reısin shuǵyl túrde Chedjýdiń halyqaralyq áýejaıyna qondyrǵan. Ushaq bortynda 161 jolaýshy bolǵan. Áýe kompanııasynyń málimetinshe, reıs basqa ushaqpen oryndalady.
Eske salaıyq, 29 jeltoqsanda Jeju Air áýe kompanııasynyń Boeing 737-800 jolaýshylar ushaǵy apatqa ushyraǵan bolatyn. Ushaqta 175 jolaýshy men 6 ekıpaj múshesi bolǵan. Áýe kóligine mingen 181 adamnyń arasynan eki kisi ǵana tiri qaldy. Qaıǵyly oqıǵadan keıin elde 7 kúndik aza tutý kúni jarııalandy.
Jeju Air kompanııasy 2006 jyldan beri qyzmet etedi. Biraq kompanııa tarıhynda bundaı óte aýyr oqıǵa bolmaǵan.
