2024 jylǧy 25 jeltoqsanda Qazaqstannyŋ Aqtau qalasy maŋynda apatqa ūşyraǧan AZAL ūşaǧynyŋ qiraǧan bölıkterı men kuägerlerdıŋ mälımetterı syrtqy yqpal bolǧanyn meŋzeidı. Būl turaly Äzerbaijannyŋ sifrlyq damu jäne kölık ministrı Raşad Nabiev mälımdedı, dep habarlaidy "Adyrna" ūlttyq portaly Report-qa sıltep.
Ministrdıŋ aituynşa, Äzerbaijan prezidentı İlham Älievtıŋ tapsyrmasymen apattan keiın arnaiy komissiia qūrylyp, onyŋ müşelerı Aqtau qalasyna baryp, apattyŋ sebepterın jäne zardap şekkenderdıŋ jaǧdaiyn mūqiiat zerttegen. Komissiia oqiǧa ornyn qarap, Äzerbaijan men basqa elderdıŋ jaraqat alǧan azamattarymen kezdestı.
Raşad Nabievtıŋ aituynşa, jolauşylar men tırı qalǧan bortserıkter ūşaq Groznyi qalasynyŋ üstınde bolǧan kezde jarylys dybysyn estıgenın habarlaǧan.
"Bortserıkterdıŋ bırı qolynan jaraqat aldy. Äleumettık jelı men BAQ-ta jariialanǧan suretterden bır äieldıŋ qoly men aiaǧynan jaraqat alǧanyn köruge bolady. Ūşaqtyŋ qanatynan tesık anyqtaldy, al fiuzeliajdan jarylǧyş zattyŋ synyqtary qaldyrǧan ızder tabyldy. Resei azamattary da Groznyidyŋ üstınde üş jarylys bolǧanyn, jarylystar syrttan şyqqanyn jäne sol kezde bır zattyŋ ūşaqqa soǧylǧanyn aitty", – dedı ministr.Ministr baspasözde apattyŋ sebebı retınde qūstarmen soqtyǧysu boljamy aitylǧanyn, alaida aldyn ala saraptama nätijelerı syrtqy yqpaldyŋ bolǧanyn körsetetının atap öttı.
"Ūşaq synyqtarynyŋ jerdegı körınısı men kuägerlerdıŋ aitqandary būl boljamdy rastaidy. Qoldanylǧan qarudyŋ türın tergeu anyqtaidy", – dedı ol.Ministr ūşaq baǧytynyŋ Mahachqala arqyly Aqtauǧa özgergenın de atap öttı. Sonymen qatar, pilottyŋ apatty qonu turaly şeşım qabyldau sebebı men ūşaqtaǧy GPS qūrylǧysynyŋ öşırılu jaǧdaiy anyqtaldy. Raşad Nabiev ekipajdyŋ batyrlyǧyn joǧary baǧalady.
"Ekipajdyŋ käsıbi jäne erlıkpen äreket etuı arqasynda köptegen jolauşynyŋ ömırı saqtaldy. Äzerbaijan halyqaralyq sarapşylardy tergeu prosesıne tartyp, onymen tyǧyz bailanys ornatty", – dedı ol.Ministrdıŋ aituynşa, Embraer kompaniiasynyŋ ekı mamany oqiǧa ornynda jūmys ıstep jatyr, al erteŋ tergeuge Braziliiadan kelgen sarapşylar qosylady. Qazaqstandyq şeneunıkter Rostovtaǧy dispetcher ūsynǧan ottegı ballonynyŋ jaryluy turaly nūsqany alǧa tartty.
"Būl aqparatty tekseru qajet dep sanaimyz, öitkenı ol müddelı taraptan alynǧan. Sonymen bırge, syrtqy jarylys dybystary būl nūsqany joqqa şyǧarady", – dedı ministr.25 jeltoqsanda Baku–Groznyi baǧytymen ūşqan Embraer 190 ūşaǧy Aqtau qalasy maŋynda apatqa ūşyrady. Ūşaqta 62 jolauşy bolǧan, onyŋ ışınde 37 Äzerbaijan, 16 Resei, 6 Qazaqstan, 3 Qyrǧyzstan azamaty jäne 5 ekipaj müşesı bolǧan. Apat saldarynan 38 adam qaza tapty, 29-y tırı qaldy.
Ūqsas jaŋalyqtar
