Ázerbaıjan aqparat agenttikteri Baký – Groznyı reısiniń apatyna qatysty vıdeo taratty. Kadrlarda ushaq fıýzelıajyndaǵy tesikter kórinedi. Olar oq nemese snarıadtar izderine uqsaıdy, dep habarlaıdy "Adyrna" ulttyq portaly arbat.media agenttigine siltep.
Bul tabylǵan zattar qustarmen soqtyǵysý nemese ottegi ballonynyń jarylýy týraly nusqalarǵa kúmánmen qaraýǵa ıtermeleıdi.
Sarapshylar syrtqy áser týraly boljam jasaýda. Biraq resmı qorytyndylar tek tergeý aıaqtalǵan soń jasalady.
Eske salaıyq, ekıpaj apattan buryn ushaqtyń korpýsyna kúshti soqqy tıgeni habarlaǵan.
Buǵan qosa búgin Groznyı qalasy Ýkraına drondarynyń shabýylyna ushyraǵan edi. Bul - aı ortasynan bergi osyndaı ekinshi márte jasalǵan shabýyl. Bul shabýylǵa qarsy Reseıdiń áýe qorǵanysy júıesi iske qosylǵan.
Búgin Aqtaý mańynda, Aqshuqyr eldi mekenine jaqyn tusta Azal Airlines áýe kompanııasyna tıesili jolaýshylar ushaǵy qulaǵan.
Ázerbaıjan prezıdenti Ilham Álıev TMD elderi basshylarynyń beıresmı sammıtine qatysý úshin Sankt-Peterbýrgke attanyp ushyp bara jatqan kezde, áýe apaty týraly habar berilip, orta joldan keri qaıtýǵa májbúr bolǵan. Aqtaýǵa shuǵyl komıssııa attandyrǵan Ázerbaıjan prezıdenti apat sebebi týraly aıtýǵa ázirge erte ekenin aıtqan.
Al Qazaqstan vıe-premeri Qanat Bozymbaev jýrnalısterge bergen suhbatynda Aqtaýdaǵy áýe apatynan 38 adamnyń qaza tapqanyn málimdegen. Ázerbaıjan BAQ-y málimetinshe, bortta 67 jolaýshy jáne bes ekıpaj múshesi bolǵan. Sonymen qatar, olar apattyń sebebin áýe kemesiniń qustarmen soqtyǵysýymen baılanystyrǵan.
Bozymbaev sondaı-aq, qaza tapqandardyń deneleri qatty kúıip ketkenin aıtty. Sondyqtan olardyń jeke basyn anyqtaý úshin bólek proedýra júrgiziletinin atap ótti. Sonymen qatar, vıe-premer 11 zardap shegýshiniń jansaqtaý bóliminde ekenin jetkizdi. Zardap shekkender arasynda 15 Ázerbaıjan azamaty, 9 Reseı azamaty, 2 Qyrǵyzstan azamaty bar. Taǵy úsh adamnyń azamattyǵy naqtylanýda.
Aldyn ala aqparat boıynsha, bortta bolǵan Qazaqstannyń alty azamatynyń altaýy da qaza bolǵan.
