Amerıka Qurama Shtattary Dúnıejúzilik densaýlyq saqtaý uıymynan (DDSU) shyǵýy múmkin jáne bul týraly Donald Tramptyń ınaýgýraııasy kezinde, qańtar aıynda jarııalaýy yqtımal, dep habarlaıdy "Adyrna" ulttyq portaly Financial Times-qa silteme jasap.
Basylymnyń málimetinshe, Tramptyń komandasy AQSh-tyń DDSU-dan shyǵýyn talap etýde. Sarapshylardyń pikirinshe, bul sheshim jahandyq densaýlyq saqtaý salasyna "katastrofalyq áser" etedi.
Aqparat quraldarynyń dereginshe, AQSh-tyń jańadan saılanǵan prezıdentiniń komandasy 2025 jyldyń 20 qańtarynda, Donald Tramptyń ınaýgýraııasy kúni, eldiń DDSU-dan shyǵatyny týraly habarlaýdy josparlap otyr.
Eger bul oryn alsa, DDSU qarjylandyrýdyń eń iri kózderiniń birinen aıyrylady. Sarapshylardyń pikirinshe, bul "bıýdjettegi olqylyqtyń" ornyn toltyrýǵa eshkim qabiletti emes.
2020 jyly Donald Tramp COVID-19 taralýyna baılanysty uıymdy Qytaıdyń baqylaýynda dep aıyptap, DDSU-dan shyǵý proesin bastaǵan edi. Alaıda bul proess aıaqtalmaǵan bolatyn. Al onyń izbasary Djo Baıden 2021 jyly prezıdent qyzmetine kirisken alǵashqy kúninde AQSh pen DDSU arasyndaǵy qarym-qatynastardy qaıta jańǵyrtty.
