Qaraǵandy – Astana avtojolynda iri kólemdegi marıhýanamen esirtki tasymaldaýshylar ustaldy, dep habarlaıdy "Adyrna" ulttyq portaly Qaraǵandy oblysynyń Polıııa departamentine silteme jasap.
Kúdiktiler mingen avtokólik trassada toqtatylǵan. Audi A6 avtokóliginiń ishinde Jambyl oblysynyń 38 jastaǵy eki turǵyny bolǵan. Toqtatý kezinde olardyń júıkeleri syr berip, kúdik týǵyzǵan.
Qaraǵandy oblysynyń polıııa qyzmetkerleri avtokóliktiń salony men júksalǵyshyn tekserý barysynda 13 qap ósimdik tektes zat tapty. Saraptama qorytyndysy boıynsha tárkilengen zattyń jalpy salmaǵy 266 kılogramnan asatyn keptirilgen marıhýana ekeni anyqtaldy.
«Bul fakt boıynsha qylmystyq is qozǵaldy. Prokýratýranyń kelisimimen kúdiktilerge qamaýda ustaý túrindegi bultartpaý sharasy taǵaıyndaldy. Qaraǵandy oblysynyń polıııa departamenti esirtki qylmystarymen kúres jáne quqyqtyq tártipti qorǵaý boıynsha jumysyn jalǵastyrýda, aımaq turǵyndarynyń qaýipsizdigin qamtamasyz etip otyr», – dep málimdedi Qaraǵandy oblysy PD baspasóz qyzmeti.
Jyl basynan beri Qaraǵandy oblysynda zańsyz aınalymnan 446 kılogramm túrli esirtki zattary tárkilengen. Onyń ishinde 100 kılogramnan astam gashısh, 180 kılogramnan astam marıhýana jáne 12 kılogramm sıntetıkalyq esirtki bar. Esirtki zattarynyń zańsyz aınalymyna baılanysty 130-dan astam adam ustalǵan, olardyń ishinde 11 jasóspirim men 12 áıel bar ekeni de vedomstvonyń habarlamasynda aıtyldy.
