Marqum Sherzat Bolattyń ápkesi Baqyt Reımovanyń balasy Meıirbek Reımov prezıdent Qasym-Jomart Toqaevtan kómek surady, dep habarlaıdy «Adyrna» tilshisi.
Nurǵanat Ǵaıypbaevtyń janazasynan keıin Baqyt Reımovaǵa «mıtıngke úndegen» degen aıyp taǵylǵan bolatyn. Áıel sot sheshimimen 15 táýlikke qamaýǵa alyndy, keıinnen elden shyǵarylýy tıis.
Reımovanyń uly anasynyń jalǵyz asyraýshysy ekenin aıtyp, prezıdentke úndeý joldady.
«Meniń anamdy sot 15 táýlikke qamap, Qazaqstan aýmaǵynan shyǵarý týraly úkim shyǵarǵan bolatyn. Anam – meniń jalǵyz asyraýshym. Men kámelet jasqa tolmaǵan balamyn, 11-synypta oqımyn. Anamnyń da menen basqa eshkimi joq. Meni anamnan aıyrmaýlaryńyzdy suraımyn. Onyń Qazaqstannan basqa barar jeri joq. Biz qazaqpyz! Ózimniń elim úshin qyzmet etkim keledi. Eger sot anamdy Qazaqstan aýmaǵynan shyǵaratyn bolsa, men ony bes jylǵa deıin kóre almaımyn. Úkimdi ózińiz qaıta qaraýyńyzdy suraımyn»,—dedi ol.
