«Biz jol júrgeli otyrǵanda Qasym-Jomart Kemelulynyń atyna 2014 jyly Gýanjoý áýejaıynda Qytaı quqyq qorǵaý organdarymen ustalǵan otandasymyz Aqjarqyn Turlybaıdyń anasynan ótinish tústi. Onyń mátini BAQ betterinde jarııalandy. Osyǵan oraı Memleket basshysy Beıjińdegi kezdesýlerde Qytaı tarapyna óziniń jeke ótinishin jetkizdi. Bul másele jan-jaqty talqylandy. Onyń nátıjeleri boıynsha Syrtqy ister mınıstrligi arqyly osy jumysty jalǵastyrý týraly ýaǵdalastyqqa qol jetkizildi. Sapar nátıjesi boıynsha beriletin tapsyrmalar tizimine otandasymyzdyń taǵdyryna qatysty másele arnaıy kirip otyr», – dep toqtaldy Murat Nurtileýov.
Prezıdent bul máselege erekshe kóńil bólgendikten, aldaǵy kúnderi qýanyshty jańalyqty estip qalarmyz degen nıettemiz.
"Adyrna" ulttyq portaly
