Qytaıda Toqaev qandaı 10 mańyzdy qujatqa qol qoıdy?

695

Qazaqstan prezıdenti men Qytaı tóraǵasynyń kelissózi nátıjesinde on mańyzdy qujat qabyldandy

 Qazaqstan prezıdenti Qasym-Jomart Toqaev QHR tóraǵasy Sı zınpınmen kelissózder júrgizdi, dep habarlaıdy Aqordanyń resmı saıty.

Kezdesý barysynda Toqaev qytaı kóshbasshysymen Bishkekte ótken ShYU sammıtinen keıin araǵa birneshe aı salyp qaıta jolyqqanyna óte qýanyshty ekenin aıtty. Memleket basshysy Qytaı tóraǵasyna qonaqjaılyq kórsetkeni úshin rızashylyq bildirip, Sı zınpınniń dosy, Qazaqstannyń tuńǵysh prezıdenti Nursultan Nazarbaevtyń sálemi men ystyq yqylasyn jetkizdi.

"Bizdiń kezdesýimiz QHR-nyń 70 jyldyq mereıtoıy qarsańynda ótip otyr. Osy sátti paıdalanyp, sizdi jáne tutas qytaı halqyn aıtýly datamen quttyqtaǵym keledi. Qytaı bul mereıtoıǵa áleýmettik-ekonomıkalyq jáne saıası damý turǵysynan zor jetistikpen jetip otyr. Osy oqıǵa tek Qytaı Halyq Respýblıkasy úshin ǵana emes, kúlli álem úshin tarıhı mánge ıe dep oılaımyn. Sizdiń memlekettińizdiń damýy dúnıe júziniń jiti nazarynda,– dedi Toqaev.

Memleket basshysynyń aıtýynsha, osy jetpis jyldyq jol Qytaı úshin óte aýyr boldy. Biraq 1970 jyldardyń sońynda Den Sıaopınniń basshylyǵymen qolǵa alynǵan reformalardyń arqasynda qytaı halqy óz damýynda orasan zor jetistikke jetti.

"Qytaıdyń tabystary memleketterimiz arasyndaǵy yntymaqtastyqty damytý úshin berik negiz bolady dep sanaımyz. Búgin biz birlesken málimdemege qol qoıamyz. Bul qujat boıynsha Qazaqstan men Qytaı uzaqmerzimdi, strategııalyq jáne jan-jaqty seriktestikti damytýǵa beıildi ekenin kórsetedi. Joǵary deńgeıde qol jetkizgen ýaǵdalastyq eki el arasyndaǵy yntymaqtastyqty odan ári damytý úshin salmaqty quqyqtyq jáne saıası baza bolyp tabylady", – dedi Qazaqstan prezıdenti.

Sı zınpın óz sózinde Qazaqstannyń Orta Azııadaǵy iri el ári Ortalyq Eýrazııada úlken yqpaly bar ekenin aıtty.

"Qazaqstannyń tuńǵysh prezıdenti Nursultan Nazarbaevtyń basshylyǵymen elderińiz zor tabysqa qol jetkizdi, ulttyq erekshelikke negizdelgen damý úlgisin qurdy. Siz prezıdent bolǵannan keıin ózińizdiń sabaqtastyq, ádilettilik jáne ilgerileý jónindegi úsh ustanymyńyzdy jarııaladyńyz. Ekonomıkany damytýdy, jumys oryndaryn ashýdy, sybaılas jemqorlyqpen kúresýdi, áleýmettik qorǵaý deńgeıin kóterýdi aldyńyzǵa maqsat etip qoıdyńyz. Bul Qazaqstan halqynyń úmitin aqtaıdy.  Sizdiń barlyq bastamańyz osyǵan baǵyttalǵan. Dostas Qazaqstan halqyna baq-bereke jáne tabys tileımin, – dedi Qytaı kóshbasshysy.

Toqaev pen Sı zınpınniń kelissózder qorytyndysy boıynsha mynadaı qujattarǵa qol qoıyldy:​

  1. Memleketter basshylarynyń birlesken málimdemesi;
  2. Qazaqstan úkimeti men QHR úkimetiniń arasyndaǵy avıaııalyq izdeý jáne azamattyq áýe kemelerin qutqarý salasyndaǵy yntymaqtastyq týraly kelisim;
  3. Qazaqstan úkimeti men QHR úkimetiniń arasyndaǵy "Nurly jol" jańa ekonomıkalyq saıasaty (NJ JES) men "Jibek jolynyń ekonomıkalyq beldeýi" (JJEB) qurylysyn ushtastyrý jónindegi yntymaqtastyq josparyn júzege asyrýǵa baılanysty ózara kómek týraly memorandým;
  4. Qazaqstan úkimeti men QHR úkimetiniń arasyndaǵy Qytaı úkimetiniń Qazaqstan tarapyna sýperkompıýter berý jobasy jónindegi yntymaqtastyq týraly kelisim;
  5. Qazaqstannyń saýda jáne ıntegraııa mınıstrligi men QHR kommerııa mınıstrligi arasyndaǵy ózara túsinistik týraly memorandým;
  6. Qazaqstannyń aýyl sharýashylyǵy mınıstrligi men QHR bas keden basqarmasy arasyndaǵy Qytaıǵa Qazaqstannan eksporttalatyn sút ónimderine qoıylatyn ınspekııalyq, karantındik jáne veterınarlyq-sanıtarlyq talaptar jónindegi hattama;
  7. Qazaqstannyń aýyl sharýashylyǵy mınıstrligi men QHR bas keden basqarmasy arasyndaǵy Qytaıǵa Qazaqstannan eksporttalatyn jún shıkizatyna qoıylatyn ınspekııalyq, karantındik jáne veterınarlyq-sanıtarlyq talaptar jónindegi hattama;
  8. Qazaqstannyń qarjy mınıstrligi men QHR bas keden basqarmasy arasyndaǵy ıntellektýaldy menshik quqyǵyn shekara mańynda qorǵaý salasyndaǵy yntymaqtastyqty nyǵaıtý jónindegi memorandým;
  9. Qazaqstannyń aýyl sharýashylyǵy mınıstrligi men QQHR bas keden basqarmasy arasyndaǵy Qytaıǵa Qazaqstannan eksporttalatyn zyǵyrǵa qoıylatyn ınspekııalyq, karantındik jáne veterınarlyq-sanıtarlyq talaptar jónindegi hattama;
  10. Qazaqstan men Qytaı arasyndaǵy keden shekarasy arqyly taýarlar men kólikterdi alyp ótý týraly aldyn ala aqparat almasý jónindegi tehnıkalyq speıfıkaııa.

Sputnik.

Pikirler