Qazaqstan prezidentı men Qytai töraǧasynyŋ kelıssözı nätijesınde on maŋyzdy qūjat qabyldandy
Qazaqstan prezidentı Qasym-Jomart Toqaev QHR töraǧasy Si Szinpinmen kelıssözder jürgızdı, dep habarlaidy Aqordanyŋ resmi saity.
Kezdesu barysynda Toqaev qytai köşbasşysymen Bışkekte ötken ŞYŪ sammitınen keiın araǧa bırneşe ai salyp qaita jolyqqanyna öte quanyşty ekenın aitty. Memleket basşysy Qytai töraǧasyna qonaqjailyq körsetkenı üşın rizaşylyq bıldırıp, Si Szinpinnıŋ dosy, Qazaqstannyŋ tūŋǧyş prezidentı Nūrsūltan Nazarbaevtyŋ sälemı men ystyq yqylasyn jetkızdı.
"Bızdıŋ kezdesuımız QHR-nyŋ 70 jyldyq mereitoiy qarsaŋynda ötıp otyr. Osy sättı paidalanyp, sızdı jäne tūtas qytai halqyn aituly datamen qūttyqtaǧym keledı. Qytai būl mereitoiǧa äleumettık-ekonomikalyq jäne saiasi damu tūrǧysynan zor jetıstıkpen jetıp otyr. Osy oqiǧa tek Qytai Halyq Respublikasy üşın ǧana emes, küllı älem üşın tarihi mänge ie dep oilaimyn. Sızdıŋ memlekettıŋızdıŋ damuy dünie jüzınıŋ jıtı nazarynda,– dedı Toqaev.
Memleket basşysynyŋ aituynşa, osy jetpıs jyldyq jol Qytai üşın öte auyr boldy. Bıraq 1970 jyldardyŋ soŋynda Den Siaopinnıŋ basşylyǧymen qolǧa alynǧan reformalardyŋ arqasynda qytai halqy öz damuynda orasan zor jetıstıkke jettı.
"Qytaidyŋ tabystary memleketterımız arasyndaǧy yntymaqtastyqty damytu üşın berık negız bolady dep sanaimyz. Bügın bız bırlesken mälımdemege qol qoiamyz. Būl qūjat boiynşa Qazaqstan men Qytai ūzaqmerzımdı, strategiialyq jäne jan-jaqty serıktestıktı damytuǧa beiıldı ekenın körsetedı. Joǧary deŋgeide qol jetkızgen uaǧdalastyq ekı el arasyndaǧy yntymaqtastyqty odan ärı damytu üşın salmaqty qūqyqtyq jäne saiasi baza bolyp tabylady", – dedı Qazaqstan prezidentı.
Si Szinpin öz sözınde Qazaqstannyŋ Orta Aziiadaǧy ırı el ärı Ortalyq Euraziiada ülken yqpaly bar ekenın aitty. "Qazaqstannyŋ tūŋǧyş prezidentı Nūrsūltan Nazarbaevtyŋ basşylyǧymen elderıŋız zor tabysqa qol jetkızdı, ūlttyq erekşelıkke negızdelgen damu ülgısın qūrdy. Sız prezident bolǧannan keiın özıŋızdıŋ sabaqtastyq, ädılettılık jäne ılgerıleu jönındegı üş ūstanymyŋyzdy jariialadyŋyz. Ekonomikany damytudy, jūmys oryndaryn aşudy, sybailas jemqorlyqpen küresudı, äleumettık qorǧau deŋgeiın köterudı aldyŋyzǧa maqsat etıp qoidyŋyz. Būl Qazaqstan halqynyŋ ümıtın aqtaidy. Sızdıŋ barlyq bastamaŋyz osyǧan baǧyttalǧan. Dostas Qazaqstan halqyna baq-bereke jäne tabys tıleimın, – dedı Qytai köşbasşysy. Toqaev pen Si Szinpinnıŋ kelıssözder qorytyndysy boiynşa mynadai qūjattarǧa qol qoiyldy:- Memleketter basşylarynyŋ bırlesken mälımdemesı;
- Qazaqstan ükımetı men QHR ükımetınıŋ arasyndaǧy aviasiialyq ızdeu jäne azamattyq äue kemelerın qūtqaru salasyndaǧy yntymaqtastyq turaly kelısım;
- Qazaqstan ükımetı men QHR ükımetınıŋ arasyndaǧy "Nūrly jol" jaŋa ekonomikalyq saiasaty (NJ JES) men "Jıbek jolynyŋ ekonomikalyq beldeuı" (JJEB) qūrylysyn ūştastyru jönındegı yntymaqtastyq josparyn jüzege asyruǧa bailanysty özara kömek turaly memorandum;
- Qazaqstan ükımetı men QHR ükımetınıŋ arasyndaǧy Qytai ükımetınıŋ Qazaqstan tarapyna superkompiuter beru jobasy jönındegı yntymaqtastyq turaly kelısım;
- Qazaqstannyŋ sauda jäne integrasiia ministrlıgı men QHR kommersiia ministrlıgı arasyndaǧy özara tüsınıstık turaly memorandum;
- Qazaqstannyŋ auyl şaruaşylyǧy ministrlıgı men QHR bas keden basqarmasy arasyndaǧy Qytaiǧa Qazaqstannan eksporttalatyn süt önımderıne qoiylatyn inspeksiialyq, karantindık jäne veterinarlyq-sanitarlyq talaptar jönındegı hattama;
- Qazaqstannyŋ auyl şaruaşylyǧy ministrlıgı men QHR bas keden basqarmasy arasyndaǧy Qytaiǧa Qazaqstannan eksporttalatyn jün şikızatyna qoiylatyn inspeksiialyq, karantindık jäne veterinarlyq-sanitarlyq talaptar jönındegı hattama;
- Qazaqstannyŋ qarjy ministrlıgı men QHR bas keden basqarmasy arasyndaǧy intellektualdy menşık qūqyǧyn şekara maŋynda qorǧau salasyndaǧy yntymaqtastyqty nyǧaitu jönındegı memorandum;
- Qazaqstannyŋ auyl şaruaşylyǧy ministrlıgı men QQHR bas keden basqarmasy arasyndaǧy Qytaiǧa Qazaqstannan eksporttalatyn zyǧyrǧa qoiylatyn inspeksiialyq, karantindık jäne veterinarlyq-sanitarlyq talaptar jönındegı hattama;
- Qazaqstan men Qytai arasyndaǧy keden şekarasy arqyly tauarlar men kölıkterdı alyp ötu turaly aldyn ala aqparat almasu jönındegı tehnikalyq spesifikasiia.
Sputnik.
