Jambyl oblysynda eki polıııa qyzmetkeri para aldy degen kúdikpen ustaldy. Olardy tutqyndaý barysynda bireýiniń oq atqany belgili boldy, dep habarlaıdy "Adyrna" ulttyq portaly Orda.kz agenttigine silteme jasap.
Málimetterge súıensek, ýchaskelik ınspektordyń kómekshisi Nurbol Qarabekov pen kámeletke tolmaǵandar isi jónindegi ınspektor Erbolat Orazbekov «Aısha bıbi» shekara beketinde shetel azamattarynan 500-den 1000 teńgege deıin aqsha jınaǵan. Resmı túrde olardyń laýazymdyq mindetteri shekaradaǵy jumystarmen baılanysty emes. Biraq olar óz ókilettikterin shamadan tys paıdalanǵan.
Nurbol Qarabekov Jalpaqtóbe aýylynda jumys istegen, munda dúngen qaýymdastyǵy ókilderi turady. Onyń áriptesi Erbolat Orazbekov jergilikti mektepterdi baqylap, jasóspirimder arasynda quqyqbuzýshylyqtyń aldyn alý jumystarymen aınalysqan. Áriptesteriniń aıtýynsha, ekeýi de adal qyzmetker retinde tanylǵan, eshqandaı kúdik týdyrmaǵan.
Kúdiktilerdi Antıkor qyzmetkerleri Asa aýylynda ustady. Qarabekovti jumys ornynda qolǵa túsirdi. Kýágerlerdiń aıtýynsha, ol áýege oq atqan. Zardap shekkender joq. Al qarý tez arada tárkilengen.
