Ǧylym jäne joǧary bılım ministrlıgı «Bolaşaq» baǧdarlamasy boiynşa bılım alyp jatqandar turaly jäne biyl baǧdarlama aiasynda bılım alǧandardyŋ qanşasy şetelde qalǧany jaiynda mälımet berdı, dep habarlaidy "Adyrna" ūlttyq portaly Kazinform agenttıgıne sılteme jasap.
Ǧylym jäne joǧary bılım ministrlıgınıŋ mälımetınşe, qazırgı uaqytta «Bolaşaq» baǧdarlamasy aiasynda 1 096 stipendiat bılım aluda. Onyŋ 833-ı magistraturada, 145-ı doktoranturada, al 118-ı taǧylymdamadan ötude.
Gumanitarlyq baǧytta 443 adam, tehnikalyq mamandyqtarda 482 adam, medisinalyq salada 137 adam, şyǧarmaşylyq mamandyqtarda 34 adam bılım alyp jatyr.
Baǧdarlama qatysuşylarynyŋ 51 paiyzy AQŞ pen Kanadada, 35,7 paiyzy Ūlybritaniia men İrlandiiada, 6,1 paiyzy Europada bolsa, TMD elderınde 1,2 paiyzy , Aziiada 2,3 paiyzy , Okeaniiada 3,7 paiyzy oquda.
2024 jyly 230 stipendiat oquyn sättı aiaqtady. Baǧdarlama aiasynda stpiendiiadan öz erkımen bas tartqandar da bar.
"Şetelde boluyna bailanysty 2024 jyly 12 adam barlyq şyǧyndaryn ötei otyryp, stipendiiadan aiyryldy, 18 adam barlyq şyǧyndaryn ötei otyryp, öz erkımen stipendiiadan bas tartty" - delıngen Ǧylym ministrlıgı aqparatynda.
Ministrlık derekterıne säikes, qazırgı kezde 562 adam akademiialyq oquda, 65 adam taǧylymdamadan ötude, al 79 adam oqudy kütıp otyr. 160 adam akademiialyq oqudy aiaqtap, diplomdaryn kütude. Baqylau jūmystarynda 106 adam bolsa, 49-y tıl kurstaryna daiyndyqta, al 18-ı tıl kurstarynda jür.
Ūqsas jaŋalyqtar
