Ǵylym jáne joǵary bilim mınıstrligi «Bolashaq» baǵdarlamasy boıynsha bilim alyp jatqandar týraly jáne bıyl baǵdarlama aıasynda bilim alǵandardyń qanshasy shetelde qalǵany jaıynda málimet berdi, dep habarlaıdy "Adyrna" ulttyq portaly Kazinform agenttigine silteme jasap.
Ǵylym jáne joǵary bilim mınıstrliginiń málimetinshe, qazirgi ýaqytta «Bolashaq» baǵdarlamasy aıasynda 1 096 stıpendıat bilim alýda. Onyń 833-i magıstratýrada, 145-i doktorantýrada, al 118-i taǵylymdamadan ótýde.
Gýmanıtarlyq baǵytta 443 adam, tehnıkalyq mamandyqtarda 482 adam, medıınalyq salada 137 adam, shyǵarmashylyq mamandyqtarda 34 adam bilim alyp jatyr.
Baǵdarlama qatysýshylarynyń 51 paıyzy AQSh pen Kanadada, 35,7 paıyzy Ulybrıtanııa men Irlandııada, 6,1 paıyzy Eýropada bolsa, TMD elderinde 1,2 paıyzy , Azııada 2,3 paıyzy , Okeanııada 3,7 paıyzy oqýda.
2024 jyly 230 stıpendıat oqýyn sátti aıaqtady. Baǵdarlama aıasynda stpıendııadan óz erkimen bas tartqandar da bar.
"Shetelde bolýyna baılanysty 2024 jyly 12 adam barlyq shyǵyndaryn óteı otyryp, stıpendııadan aıyryldy, 18 adam barlyq shyǵyndaryn óteı otyryp, óz erkimen stıpendııadan bas tartty" - delingen Ǵylym mınıstrligi aqparatynda.
Mınıstrlik derekterine sáıkes, qazirgi kezde 562 adam akademııalyq oqýda, 65 adam taǵylymdamadan ótýde, al 79 adam oqýdy kútip otyr. 160 adam akademııalyq oqýdy aıaqtap, dıplomdaryn kútýde. Baqylaý jumystarynda 106 adam bolsa, 49-y til kýrstaryna daıyndyqta, al 18-i til kýrstarynda júr.
