Májilis tóraǵasy Erlan Qoshanov bastaǵan Parlament delegaııasy Máskeýde ótken Ujymdyq qaýipsizdik týraly shart uıymy Parlamenttik Assambleıasy Keńesiniń kezekti otyrysy men on jetinshi plenarlyq otyrysyna qatysty.
Jıynda sóz sóılegen Erlan Qoshanov áriptesterine Qazaqstannyń UQShU-ǵa tóraǵalyq etýiniń qorytyndylary týraly aıtyp berdi.
– Áriptesimizben birlesken úılesimdi jumystyń nátıjesinde Qazaqstan Respýblıkasy Ujymdyq qaýipsizdik týraly shart uıymyna tóraǵalyq etken kezeńde uıym aldynda turǵan barlyq mindet tolyq oryndaldy. Astanada ótken kezdesýde elderimizdiń kóshbasshylary Qazaqstannyń tóraǵalyǵy barysynda atqarylǵan is-sharalarǵa joǵary baǵa berip, uıymdy odan ári damytýǵa baǵyttalǵan mańyzdy qujattar qabyldady. Biz seriktesterimizge bul qujattardyń tabysty júzege asyrylýyna qoldaý kórsetkeni úshin rızashylyǵymyzdy bildiremiz. Ortaq múddelerimizdi eskere otyryp, UQShU Parlamenttik ólshemin kezeń-kezeńimen damytý men nyǵaıtý baǵytyndaǵy jumysymyzdy jalǵastyramyz, – dedi Májilis spıkeri.
Qazaqstannyń UQShU-ǵa tóraǵalyǵy kezinde uıym múddeli eldermen jáne qaýipsizdik salasynda jumys isteıtin halyqaralyq qurylymdarmen yntymaqtastyqty nyǵaıtty.
UQShU men TMD, sondaı-aq ShYU arasyndaǵy baılanys jalǵasyn tapty.
Bıyl qazan aıynda Máskeýde UQShU – TMD – ShYU formatyndaǵy dástúrli kezdesý ótti. Onda atalǵan uıymdardyń negizgi saıası prınıpteri men jarǵylyq erejeleriniń uqsastyǵy atap ótildi.
2024 jyly UQShU-nyń BUU-nyń baqylaýshy mártebesin alǵanyna 20 jyl toldy. Sondaı-aq osy jyldyń qarasha aıynda Nıý-Iorkte BUU men UQShU arasyndaǵy yntymaqtastyq týraly birlesken qarar qabyldandy.
Májilis spıkeri óz sózinde UQShU Parlamenttik Assambleıasy múshe memleketterge qaýipsizdik pen turaqtylyq máseleleri boıynsha syndarly dıalog júrgizýge múmkindik beretinin aıtty.
Sońǵy jyldary Assambleıa ujymdyq qaýipsizdiktiń mańyzdy aspektilerin qamtıtyn birqatar modeldik zańnamalyq akti qabyldady. Atap aıtqanda, aqparattyq jáne bıologııalyq qaýipsizdik, terrorızm men ekstremızmge qarsy kúres, esirtki saýdasyna tosqaýyl qoıý salalaryndaǵy qujattar.
Erlan Qoshanov Qazaqstan tóraǵalyǵymen Uly Jeńistiń 80 jyldyǵyn atap ótýge daıyndyqqa erekshe nazar aýdarylǵanyn aıtty. Otyrystyń qorytyndysy boıynsha aldaǵy mereıtoıǵa oraı UQShU Parlamenttik Assambleıasynyń Úndeýi qabyldandy.
UQShU Parlamenttik Assambleıasy is-sharalary aıasynda delegaııa basshylary Reseı Federaııasynyń Prezıdenti Vladımır Pýtınmen kezdesti. Erlan Qoshanov Reseı Prezıdentine Qazaqstan Prezıdenti Qasym-Jomart Toqaevtyń jyly lebizin jetkizip, Qazaqstan men Reseı arasyndaǵy parlamentaralyq qarym-qatynastyń joǵary qarqynyn atap ótti.
Kelesi jyly UQShU-ǵa Qyrǵyz Respýblıkasy tóraǵalyq etedi.
Otyrysta Qazaqstan tarapymen qatar, Reseı Federaııasy Memlekettik Dýmasynyń tóraǵasy Vıacheslav Volodın, Belarýs Respýblıkasy Ulttyq jınalysy Ókilder palatasynyń tóraǵasy Igor Sergeenko, Qyrǵyz Respýblıkasy Jogorký Keneshiniń tóraǵasy Nurlanbek Shakıev, Tájikstannyń Madjlısı namoıandagon Madjlısı Olı tóraǵasy Mahmadtoır Zokırzoda, sondaı-aq UQShU Bas hatshysynyń orynbasary Taalatbek Masadykov, UQShU Parlamenttik Assambleıasynyń jaýapty hatshysy Sergeı Pospelov jáne Serbııa Respýblıkasy, Aljır Halyq Demokratııalyq Respýblıkasy men Iran Islam Respýblıkasynyń ókilderi qatysty.
