Araǵa bir merzim salyp, AQSh prezıdenttigine qaıta saılanǵan Donald Tramp bılikke kelgen soń AQSh-ta dúnıege kelgen sheteldik sábıge azamattyq berýdi toqtatýǵa nıetti ekenin jetkizdi. Bul týraly ol NBC News-ke bergen suhbatynda aıtty, dep habarlaıdy «Adyrna» tilshisi.
«Biz bul tájirıbege núkte qoıýymyz kerek. Sebebi ol tym kúlkili»,- dedi basshy.
Tramp AQSh Konstıtýııasyndaǵy 14-bapty túzetýdi qalaı josparlap otyrǵanyn naqty atap ótpedi. Alaıda ony múmkin bolsa, «atqarýshy áreket arqyly» jasaıtynyn aıtty. Sondaı-aq AQSh-qa bala kezinde kelgen qujatsyz ımmıgranttardyń elde qalýyn qamtamasyz etetin zań qabyldaý úshin demokrattarmen jumys isteýge ashyq ekenin málimdedi.
Eske salaıyq, buǵan deıin Tramp qujatsyz júrgen mıgranttardy Amerıkadan shyǵarý úshin ásker kúshin paıdalanatynyn habarlaǵan edi.
Qazirgi tańda «Topyraq quqyǵy» qaǵıdaty boıynsha osy eldiń topyraǵynda dúnıege kelgen kez kelgen sábıge AQSh azamattyǵy berilip keledi.
