Talǧar maŋynda kısı qolynan qaza tapqan Şerzat Bolattyŋ aǧasynyŋ denesı tabyldy. Būl turaly bügın, 9 jeltoqsanda Almaty oblysynyŋ polisiia departamentı aitty, dep habarlaidy «Adyrna» tılşısı.
Poliseilerdıŋ resmi taratqan mälımetıne qaraǧanda er adam öz-özıne qol jūmsauy mümkın.
«Marqūm biyl 4 qazanda qaza tapqan Şerzat Bolattyŋ aǧasy ekenı anyqtaldy. Fakt boiynşa qylmystyq ıs qozǧaldy. Qazırgı uaqytta barlyq män-jaidy anyqtau üşın tergeu amaldary jürıp jatyr», – delıngen habarlamada.
Polisiia Şerzat Bolattyŋ otbasy qaiǧyly jaǧdaidan keiın poliseilerdıŋ qorǧauynda bolǧanyn atap öttı.
«Osy uaqytqa deiın marqūmnyŋ otbasyna töngen qandai da bır qauıp-qater tırkelgen joq. Küzetken qyzmetkerlerdıŋ tüsındırmelerıne säikes, er adam küzetıletın obektıden saǧat 23:30-da şyǧyp ketıp, jeke avtokölıkpen ketkenı anyqtaldy. Tergeu müddesı üşın özge de aqparat jariialauǧa jatpaidy»,—dep tolyqtyrdy PD baspasöz qyzmetı.
Şerzat Bolat tarapynyŋ advokaty Saida Täuekelova marqūmnyŋ aǧasy Nūrqanat Ǧaiypbaevtyŋ köz jūmǧanyn rastady. Eske salaiyq, 16 jastaǧy Şerzat Bolat 4 qazanda düken maŋynda şyqqan janjaldan keiın kısı qolynan qaza tapqan edı. Şerzat Bolattyŋ ölımıne qatysty ıs boiynşa 11 adam qamauǧa alyndy.
