Talǵar mańynda kisi qolynan qaza tapqan Sherzat Bolattyń aǵasynyń denesi tabyldy. Bul týraly búgin, 9 jeltoqsanda Almaty oblysynyń polıııa departamenti aıtty, dep habarlaıdy «Adyrna» tilshisi.
Polıeılerdiń resmı taratqan málimetine qaraǵanda er adam óz-ózine qol jumsaýy múmkin.
«Marqum bıyl 4 qazanda qaza tapqan Sherzat Bolattyń aǵasy ekeni anyqtaldy. Fakt boıynsha qylmystyq is qozǵaldy. Qazirgi ýaqytta barlyq mán-jaıdy anyqtaý úshin tergeý amaldary júrip jatyr», – delingen habarlamada.
Polıııa Sherzat Bolattyń otbasy qaıǵyly jaǵdaıdan keıin polıeılerdiń qorǵaýynda bolǵanyn atap ótti.
«Osy ýaqytqa deıin marqumnyń otbasyna tóngen qandaı da bir qaýip-qater tirkelgen joq. Kúzetken qyzmetkerlerdiń túsindirmelerine sáıkes, er adam kúzetiletin obektiden saǵat 23:30-da shyǵyp ketip, jeke avtokólikpen ketkeni anyqtaldy. Tergeý múddesi úshin ózge de aqparat jarııalaýǵa jatpaıdy»,—dep tolyqtyrdy PD baspasóz qyzmeti.
Sherzat Bolat tarapynyń advokaty Saıda Táýekelova marqumnyń aǵasy Nurqanat Ǵaıypbaevtyń kóz jumǵanyn rastady.
Eske salaıyq, 16 jastaǵy Sherzat Bolat 4 qazanda dúken mańynda shyqqan janjaldan keıin kisi qolynan qaza tapqan edi. Sherzat Bolattyń ólimine qatysty is boıynsha 11 adam qamaýǵa alyndy.
