Asad Dimaşyqtan airyldy. Köterılısşıler astanaǧa jettı

Siriia prezidentı Başar Asad el astanasynan  ketkenı turaly aqparat tarady dep habarlaidy, "Adyrna" ūlttyq portaly Reuters jäne Al Hadath aqparat közderıne sılteme jasap. Reuters mälımetı boiynşa, Asad jeksenbı künı Dimaşyqtan belgısız baǧytqa ūşyp ketken. Siriiadaǧy adam qūqyqtaryn saqtau jönındegı monitoring ortalyǧy onyŋ qalany senbı künı tünde saǧat on şamasynda tastaǧanyn mälımdedı. Oppozisiialyq küşter Dimaşyq qalasyna kırgenderın jariialady. İslamşyl köterılısşılerdıŋ küşterı tünde Siriia astanasy Dimaşyqqa kırgenın aqparat agenttıkterı habarlady. Jergılıktı tūrǧyndar AFP agenttıgıne qalada qatty atys dybystaryn estıgenderın aitty. Köterılısşıler koalisiiasy äleumettık jelılerde «tiran qaşyp kettı» dep habarlap, el astanasy bosatyldy dep mälımdedı. Siriia prezidentı Başar Asad Dimaşyqty «belgısız baǧytta» tastap ketkenın, ekı joǧary lauazymdy siriialyq armiia ofiserı Reuters agenttıgıne habarlady. Būl aqparatty būǧan deiın CNN telearnasy taratyp, Siriialyq qūqyq qorǧauşy ortalyq (SOHR) ta rastap berdı. Ūiym basşysy Rami Abdel Rahmannyŋ aituynşa, Asad Dimaşyq halyqaralyq äuejaiynan ūşyp ketken. Başar Asadanyŋ ketuı turaly alǧaşqy habarlar keşe paida bolǧan. Bıraq Siriia prezidentınıŋ keŋsesı olardy terıske şyǧarǧan edı. Bloomberg aqparat közı Asad AQŞ-tyŋ jaŋa prezidentı Donald Tramppen kelıssözder jürgızu ūsynysymen şyqqanyn aitady. Atap aitqanda, Siriia prezidentı AQŞ-qa Dimaşyq pen Tegeran arasyndaǧy yntymaqtastyqty toqtatu üşın öz yqpalyn paidalanu arqyly äskeri qaqtyǧystardy toqtatuǧa uäde bergen. Siriia premer-ministrı Al-Djalili Facebook jelısınde taraǧan videoda ükımettık ökılettıkterdı kez kelgen Siriia halqy bekıtken jaŋa basqaruşyǧa tapsyruǧa daiyn ekenın mälımdedı. Köterılısşıler koalisiiasy elden ketken siriialyqtardy «erkın Siriiaǧa oraluǧa» şaqyrdy. Dimmaşyq ortalyǧynda halyqtyq quanyş bastaldy, dep habarlaidy Reuters agenttıgı kuägerlerge sılteme jasap. Köşelerde adamdar qol soǧyp, keibırı namaz oqi bastady. Äleumettık jelılerde jergılıktı tūrǧyndardyŋ tankke mınıp, quanyştan än aityp jatqany tüsırılgen beinemazmūndar tarady. Äskeriler Sednaia türmesınen myŋdaǧan tūtqynnyŋ bosatylǧanyn mälımdep, "tirandyq däuırdıŋ aiaqtalǧanyn" jariialady. Būl türme 2011 jyldan berı azamattyq tūtqyndar men köterılısşılerge arnalǧan jappai azaptau men ölım jazasymen belgılı, dep mälımdeidı Siriia adam qūqyqtary boiynşa monitoring ortalyǧy. Tünde islamistter Siriianyŋ soltüstıgındegı strategiialyq maŋyzdy ärı üşınşı ırı qala Homsty tolyq baqylauǧa alǧanyn habarlady. Būl qalaǧa baqylau ornatu azamattyq soǧysta maŋyzdy kezeŋ sanalady. Qaru-jaraq kötergen toptar qaraşa aiynyŋ soŋynda prezident Başar Asadtyŋ ükımet äskerımen soǧys bastady. Bırneşe künnıŋ ışınde olar eldıŋ ekınşı ırı qalasy Aleppony basyp alyp, bırneşe ırı qalalardy baqylauǧa alǧan.