Búgin elordada erekshe formatta ótken «Teń múmkindikter» ınklıýzııalyq sport festıvaliniń jeńimpazdaryn marapattaý rásimi ótti. Is-sharaǵa elimizdiń túkpir-túkpirinen 200-ge jýyq bala qatysty, olardyń ishinde 66-sy erekshe qajettiligi bar balalar.
«Teń múmkindikter» festıvali «AMANAT» partııasy Áıelder qanatynyń bastamasymen «Kedergisiz keleshek» jobasy aıasynda Oqý-aǵartý mınıstrligi, Qazaqstannyń bochcha federaııasy, Ulttyq ǵylymı-praktıkalyq dene tárbıesi ortalyǵy, Sportty damytý dırekııasy jáne Astana qalasy ákimdigimen birlesip uıymdastyryldy.
Marapattaý rásiminde partııa Hatshysy Sholpan Karınova bul festıvaldiń respýblıkalyq deńgeıde alǵash ret uıymdastyrylǵanyna basa nazar aýdardy. Onyń aıtýynsha, «AMANAT» partııasynyń «Halyqpen birge!» saılaýaldy baǵdarlamasy aıasynda erekshe bilimdi qajet etetin balalarǵa qoldaý kórsetý boıynsha aýqymdy jumystar atqarylýda. 
«Memleket basshysy Qasym-Jomart Toqaev Úkimetke júktegen tapsyrmalarynyń birinde qoǵamda salaýatty ómir saltyn nasıhattaý jáne buqaralyq sportty damytý qajettigin aıtqan bolatyn. Bul rette partııamyzdyń saılaýaldy baǵdarlamasynda kózdelgen mindetterdiń barlyǵy kezeń-kezeńimen memlekettik organdarmen birlesip iske asyrylyp keledi. Búgingi festıval – osy baǵytta atqarylyp jatqan jumystyń taǵy bir nátıjesi. Bul jarysta jeńilgender joq dep esepteımin. Óıtkeni eki myńnan astam balanyń arasynan iriktelgen eń myqty, eń jigerli qatysýshylar osynda bas qosty. Festıval aldaǵy ýaqytta dástúrli túrde uıymdastyrylyp, kóptegen talantty balalardyń sportqa degen súıispenshiligin arttyrady dep senemin», – dedi ol.
Oqý-aǵartý mınıstrliginiń Ulttyq ǵylymı-praktıkalyq dene tárbıesi jáne sport ortalyǵynyń basshysy Arman Tashetov te jarystyń mańyzdylyǵyna toqtalyp ótti.
«Bul shara – erekshe qajettiligi bar balalardyń áleýetin arttyrýǵa baǵyttalǵan mańyzdy qadam. Jarys tek sporttyq saıys qana emes, ol – jeńiske degen jiger men dostyqtyń merekesi, tájirıbe almasý alańy. Elimizdiń 16 óńirinen kelgen 195 batyl da ór minezdi sportshy sportty damytýǵa úles qosqan jarqyn úlgi retinde este qalady», – dedi ol.
Óz kezeginde jarysqa qatysýshylar mundaı festıvalderdiń árdaıym erekshe jiger syılap, sportqa degen súıispenshilikti oıatatynyn aıtty.
«Bul festıval biz úshin úlken múmkindikterdiń esigin ashty. Mundaı sharalar bizge jiger beredi, jańa belesterdi baǵyndyrýǵa shabyttandyrady. Osyndaı qoldaý kórsetkenderge alǵysymyz sheksiz», – dedi jarysqa qatysýshy Abylaı Ámirhanov.
Shara sońynda barlyq qatysýshylar arnaıy medaldarmen, yntalandyrý syılyqtarymen jáne dıplomdarmen marapattaldy.
«Teń múmkindikter» ınklıýzııalyq sport festıvali – erekshe qajettiligi bar balalardyń sportqa qyzyǵýshylyǵyn arttyrýǵa jáne olardyń áleýetin ashýǵa baǵyttalǵan mańyzdy qadam. Mundaı aýqymdy sharalar qoǵamda salaýatty ómir saltyn nasıhattap, buqaralyq sportty damytýǵa zor yqpal etedi.
