Almaty oblysynda äiel adam 13 jyl boiy küieuımnen qorlyq körgenın mälımdep, kömek sūrady, dep habarlaidy “Adyrna” ūlttyq portaly “İnformbiuroǧa” sıltep.
34 jastaǧy Qamar Alpamys jūbaiynyŋ zaŋmen jazalanuyn talap etedı.
Er adamnyŋ zıldei jūdyryǧynan japa şekken äiel polisiiaǧa aryz jazyp, kömek sūraǧan. Jäbırlenuşınıŋ aituynşa, qūzyrly organ ökılderı 8 aidan berı şarasyz otyr.
Bügınde erlı-zaiyptylardyŋ 3 qyzy bar.
Orta jastaǧy äieldıŋ aituynşa, küieuı qol köterudı neke qiǧan künnen 3 ai ötkende bastap, keiın ädet qylyp alǧan.
"Men senı bauyzdap öltırıp tastaimyn dep moiynymdy maşinanyŋ äinekterıne qajady. Bylai ışımnen ūryp, eŋkeigende betımnen ūratyn. 2023 jyly maida menıŋ ışegım ırındep kettı. Jarylyp kettı. Sonyŋ saldarynan men ömır boiy ana bolu baqytynan aiyryldym”, – deidı kelınşek.Tūrmystyq zorlyqtyŋ qūrbany bolǧan äiel basynan ötken sūmdyqty tuystarynan ūzaq uaqyt boiy jasyryp kelgenın de jasyrmady. Polisiiaǧa aryz jazyp, “tiran” küieuınıŋ jazalanuyn talap etken.
"Ädıletsızdıktıŋ buynan tūnşyǧamyn. 8 ai boiy 4 ret jauap berdım, 4 bettestıruge qatystym. Eŋ myqty degen adamdardyŋ özı maǧan advokat bolsa da, Qarasai audandyq polisiiasy eşbır qozǧalys jasap otyrǧan joq”, – deidı kelınşek.Al Almaty oblystyq polisiia departamentı būl jaitqa qatysty "densaulyqqa qasaqana ziian keltıru" deregı boiynşa qylmystyq ıs tırkelgenın ǧana habarlady. Sotqa deiıngı tergep-tekseru şeŋberınde zaŋdy şeşım qabyldai otyryp, män-jailardy jan-jaqty, tolyq jäne obektivtı zertteu üşın zaŋda közdelgen barlyq şaralar qabyldanatyn bolady.
"Qūzyrly organ ökılderı qylmystyq ıs boiynşa küdıktınıŋ bar-joǧyn mälım etpedı. Jäbırlenuşınıŋ sözıne sensek, zorlyq körsetken azamatty uaqytşa qamauǧa almaq tügılı, şara qoldanylmaǧan. Ädıldık ızdegen Qamar Alpamys endı prokuraturaǧa şaǧym tüsırmek”, – deidı Almaty oblysy polisiia departamentınıŋ baspasöz qyzmetı
Ūqsas jaŋalyqtar
