Almaty oblysynda áıel adam 13 jyl boıy kúıeýimnen qorlyq kórgenin málimdep, kómek surady, dep habarlaıdy “Adyrna” ulttyq portaly “Informbıýroǵa” siltep.
34 jastaǵy Qamar Alpamys jubaıynyń zańmen jazalanýyn talap etedi.
Er adamnyń zildeı judyryǵynan japa shekken áıel polıııaǵa aryz jazyp, kómek suraǵan. Jábirlenýshiniń aıtýynsha, quzyrly organ ókilderi 8 aıdan beri sharasyz otyr.
Búginde erli-zaıyptylardyń 3 qyzy bar.
Orta jastaǵy áıeldiń aıtýynsha, kúıeýi qol kóterýdi neke qıǵan kúnnen 3 aı ótkende bastap, keıin ádet qylyp alǵan.
"Men seni baýyzdap óltirip tastaımyn dep moıynymdy mashınanyń áınekterine qajady. Bylaı ishimnen uryp, eńkeıgende betimnen uratyn. 2023 jyly maıda meniń ishegim irindep ketti. Jarylyp ketti. Sonyń saldarynan men ómir boıy ana bolý baqytynan aıyryldym”, – deıdi kelinshek.
Turmystyq zorlyqtyń qurbany bolǵan áıel basynan ótken sumdyqty týystarynan uzaq ýaqyt boıy jasyryp kelgenin de jasyrmady. Polıııaǵa aryz jazyp, “tıran” kúıeýiniń jazalanýyn talap etken.
"Ádiletsizdiktiń býynan tunshyǵamyn. 8 aı boıy 4 ret jaýap berdim, 4 bettestirýge qatystym. Eń myqty degen adamdardyń ózi maǵan advokat bolsa da, Qarasaı aýdandyq polıııasy eshbir qozǵalys jasap otyrǵan joq”, – deıdi kelinshek.
Al Almaty oblystyq polıııa departamenti bul jaıtqa qatysty "densaýlyqqa qasaqana zııan keltirý" deregi boıynsha qylmystyq is tirkelgenin ǵana habarlady. Sotqa deıingi tergep-tekserý sheńberinde zańdy sheshim qabyldaı otyryp, mán-jaılardy jan-jaqty, tolyq jáne obektıvti zertteý úshin zańda kózdelgen barlyq sharalar qabyldanatyn bolady.
"Quzyrly organ ókilderi qylmystyq is boıynsha kúdiktiniń bar-joǵyn málim etpedi. Jábirlenýshiniń sózine sensek, zorlyq kórsetken azamatty ýaqytsha qamaýǵa almaq túgili, shara qoldanylmaǵan. Ádildik izdegen Qamar Alpamys endi prokýratýraǵa shaǵym túsirmek”, – deıdi Almaty oblysy polıııa departamentiniń baspasóz qyzmeti
