Dýbaıda ótken (BAÁ) Distinctive International Arab Festivals Awards festıvalde qazaqstandyq tanymal ánshi Dımash Qudaıbergen DIAFA júldesine ıe boldy. Ánshi júldesin rýhanı ustazy Bıbigúl Tólegenovaǵa arnady, dep habarlaıdy “Adyrna” ulttyq portaly.
“Rýhanı ustazymyz, án áleminde qyzmet etip júrgen mln-daǵan adamnyń anasy, ájesi – Bıbigúl Tólegenova. Bıbigúl apaıymyz 95 jasqa toldy. Osy jeńisimdi apaıymyzdyń qurmetine arnasam dep sheshtim. Apaıymyz meniń árbir sahnaǵa shyǵar sátimde nemese basqa memleketterdegi halyqaralyq baıqaýǵa barar kezimde bata berýden aıanbaı, árqashan bolysyp júrgenin bilesizder. Sondyqtan tileýimdi tilep otyrǵan Bıbigúl apaıymyzǵa osy syılyqty arnaǵym keledi”, - dedi tanymal ánshi.
Ol ustazy jastaıynan qoldaý kórsetip kele jatqanyn atap ótti.
“Jastaıymnan sizdiń joǵary dárejedegi ónerińizge sýsyndap ósip, sizdiń analyq, ustazdyq ósıetterińiz ben batańyzdyń arqasynda qazirgi kúni azdy-kópti jetistikterge qol jetkizip kelemin”, – dedi Dımash Qudaıbergen.
Aıta ketsek, Dımash Qudaıbergen Birikken Arab Ámirlikterinde halyqaralyq DIAFA syılyǵyn aldy.
