Eger Ukrainaǧa iadrolyq qaru berılse, Resei dereu barlyq yqtimal soqqy qūraldaryn qoldanatynyn aitty, dep habarlaidy "Adyrna" ūlttyq portaly.
Būl turaly RF prezidentı Vladimir Putin Qazaqstanǧa memlekettık saparyn qorytyndylai otyryp mälımdedı.
«Sızder qalai oilaisyzdar — aqylǧa qonymdy tūrǧyda, — bız qazır ıs jüzınde soǧysyp jatqan memleket iadrolyq derjavaǧa ainalsa, bız ne ısteuımız kerek? Būl jaǧdaida Reseidıŋ qolyndaǧy barlyq qūraldardy — men mūny erekşe atap ötkım keledı, — däl barlyq soqqy qūraldaryn qoldanuymyz kerek bolady. Barlyǧyn», – dep mälımdedı RF prezidentı.Resei basşysy sondai-aq Ukrainaǧa iadrolyq qaru beru ssenariiıne jol berılmeitının atap öttı.
«Ukrainaǧa iadrolyq qaru beru turaly tek jauapsyz adamdar aita alady», - dedı.Būǧan deiın New York Times gazetı AQŞ pen Europanyŋ keibır şeneunıkterı Ukrainaǧa iadrolyq qaru beru nemese el aumaǧynda konvensiialyq qaru qorlaryn ornalastyru mümkındıgın talqylaǧanyn habarlaǧan edı. Būl ideiaǧa RF Qauıpsızdık keŋesı töraǧasynyŋ orynbasary Dmitrii Medvedev «mūndai ūsynys avtorlary paranoiiamen auyrady» dep jauap berdı. Al Reseidıŋ syrtqy ıster ministrlıgı mūndai qadam janjaldyŋ baqylausyz uşyǧuyna alyp keluı mümkın ekenın eskerttı.
Ūqsas jaŋalyqtar
