Eger Ýkraınaǵa ıadrolyq qarý berilse, Reseı dereý barlyq yqtımal soqqy quraldaryn qoldanatynyn aıtty, dep habarlaıdy "Adyrna" ulttyq portaly.
Bul týraly RF prezıdenti Vladımır Pýtın Qazaqstanǵa memlekettik saparyn qorytyndylaı otyryp málimdedi.
«Sizder qalaı oılaısyzdar — aqylǵa qonymdy turǵyda, — biz qazir is júzinde soǵysyp jatqan memleket ıadrolyq derjavaǵa aınalsa, biz ne isteýimiz kerek? Bul jaǵdaıda Reseıdiń qolyndaǵy barlyq quraldardy — men muny erekshe atap ótkim keledi, — dál barlyq soqqy quraldaryn qoldanýymyz kerek bolady. Barlyǵyn», – dep málimdedi RF prezıdenti.
Reseı basshysy sondaı-aq Ýkraınaǵa ıadrolyq qarý berý senarııine jol berilmeıtinin atap ótti.
«Ýkraınaǵa ıadrolyq qarý berý týraly tek jaýapsyz adamdar aıta alady», - dedi.
Buǵan deıin New York Times gazeti AQSh pen Eýropanyń keıbir sheneýnikteri Ýkraınaǵa ıadrolyq qarý berý nemese el aýmaǵynda konvenııalyq qarý qorlaryn ornalastyrý múmkindigin talqylaǵanyn habarlaǵan edi.
Bul ıdeıaǵa RF Qaýipsizdik keńesi tóraǵasynyń orynbasary Dmıtrıı Medvedev «mundaı usynys avtorlary paranoııamen aýyrady» dep jaýap berdi. Al Reseıdiń syrtqy ister mınıstrligi mundaı qadam janjaldyń baqylaýsyz ýshyǵýyna alyp kelýi múmkin ekenin eskertti.
