AQSh prezıdenti Djo Baıden Gaza sektoryndaǵy áskerı qımyldardy toqtatý úshin bar kúsh-jigerin salatynyn málimdedi, dep habarlaıdy "Adyrna" ulttyq portaly.
Izraıl men Lıvandaǵy «Hezbolla» arasyndaǵy bitim AQSh pen Franııanyń deldaldyǵymen jasalǵan kelisimnen soń kúshine enbek. Bul týraly týraly Djo Baıden málimdedi. Prezıdenttiń aıtýynsha, bul kelisim Gaza sektorynda bastalǵan soǵys nátıjesinde myńdaǵan adamnyń ómirin qıǵan qaqtyǵysty toqtatýdyń negizin qalaý úshin jasalǵan mańyzdy qadam bolyp tabylady.
Izraıl Qaýipsizdik keńesi kelisimdi 10 daýyspen qoldap, 1 daýys qarsy shyqqannan keıin, Baıden Izraıl premer-mınıstri Bınıamın Netanıahý men Lıvan premer-mınıstri Nadjıb Mıkatı arasyndaǵy kelissózder týraly aıtty. Qarýly qaqtyǵystar Izraıl men Lıvan shekarasynda jergilikti ýaqyt boıynsha tańǵy 4:00-de (Grınvıch boıynsha 02:00-de) toqtatylady dep málimdeldi.
"Bul turaqty bitimgerlik bolýy tıis, «Hezbolla» jáne basqa lańkestik uıymdar Izraıldiń qaýipsizdigine qaýip tóndirmeýi kerek", - dedi Baıden.
Izraıl kúshterin birtindep 60 kún ishinde shyǵarady, al Lıvan armııasy Izraılmen shekaralas aýmaqtardy óz baqylaýyna alady. Bul sharalar «Hezbollanyń» ınfraqurylymyn qalpyna keltirmeýin qamtamasyz etý úshin jasalady.
AQSh qorǵanys mınıstri Lloıd Ostın bul kelisimdi «tarıhı sát» dep atap, Izraıldiń qaýipsizdigin qoldaıtynyn jáne onyń ózin-ózi qorǵaý quqyǵyn moıyndaıtynyn aıtty. Sonymen qatar, ol Gaza sektoryndaǵy gýmanıtarlyq jaǵdaıdy jaqsartýǵa nazar aýdarýdyń mańyzdylyǵyn da atap ótti.
BUU Bas hatshysy Antonıý Gýterrısh bul kelisimdi quptap, taraptardy óz mindettemelerin tolyq oryndaýǵa shaqyrdy.
