Jolauşy sanyna esepteletın tarif negızındegı subsidiialau modelı özgermek. Endı, onyŋ ornyna marşruttyŋ eseptık qūnyna negızdelgen model engızıledı. Iаǧni, tasymaldauşy künıne jürgen qaşyqtyǧyna qarai qarjy alady. Mūndai özgerıs avtobus jürgızuşılerın jelıde barynşa ūzaq uaqyt boluǧa yntalandyra tüspek. Būl turaly öŋırlık kommunikasiialar qyzmetınde ötken brifingte Semei qalasy äkımınıŋ orynbasary Ädılet Tūrysbek mälımdedı.
- Salystyrmaly türde aitsaq, Abai oblysy qūrylǧanǧa deiın tehnikanyŋ marşruttarǧa şyǧu paiyzy 50%-dan aspaityn. Būl mäsele halyqty tasymaldau sapasyna aitarlyqtai äser ettı. Desede oblys qūrylǧannan keiın bız, būl mäselenıŋ şeşım neǧūrlym jedel şeşuge tyrystyq. Qazırgı uaqytta avtobustardyŋ jelıge şyǧu paiyzy 75%-dan tömen emes jäne tūraqty deŋgeide saqtaluda, – deidı Ädılet Tūrysbek.
Sonymen qatar, äkım orynbasary öz sözınde aldaǧy subsidiialau özgerısı avtoparkterdıŋ qozǧalys qūramyn jaŋartuǧa mümkındık beretının jetkızdı.
– Qalanyŋ barlyq marşruttarynda elektrondy bilet jüiesı ıske qosylǧan. Bırıkken dispetcherlık jäne baqylau qyzmetı boiynşa aitsaq, qala äkımdıgınıŋ Jolauşylar kölıgı jäne avtomobil joldary bölımı jäne Jolauşylar tasymaly basqarmasy ortalyǧy kelısımşart jasasqan. Barlyq aqparat sol jerden tapsyrys beruşıge berılıp, osy mälımetter negızınde qarajat mäselesı retteledı, – dedı spiker.
JK jäne AJ bölımınıŋ Jolauşylar kölıgı sektorynyŋ meŋgeruşısı Arman Jolamanov avtobus qozǧalysynyŋ aralyqtary men tūraqtylyǧynyŋ būzylu mäselelerınen habardar ekenın atap öttı.
- Qozǧalys tūraqtylyǧynyŋ jüiesı būzylǧan jaǧdaida, bız subsidiialau erejelerıne säikes, jospardyŋ oryndaluyna qarai teŋdei subsidiia somasyn azaituǧa qūqylymyz. Mūndai jaǧdailardy bız nazardan tys qaldyrmaimyz. Qazırgı taŋda, jolauşylar tasymalyn basqaru ortalyǧy bızge är marşrut boiynşa jospardyŋ qanşa paiyzǧa oryndalǧany turaly mälımet berıp otyrady, – dep tolyqtyrdy Jolauşylar kölıgı sektorynyŋ meŋgeruşısı.
Marşruttyq jelılerdı oŋtailandyru jäne jaŋa jelılerdı äzırlenbek. Būl turaly Semei qalasynyŋ Jolauşylar kölıgı jäne avtomobil joldary bölımınıŋ basşysy mındetın atqaruşy Ädılbek Uvasilov tolyǧyraq tüsındırdı.
- 2025 jyly qalada marşruttyq jelılerdı oŋtailandyru josparlanuda. Marşruttarǧa bailanysty barlyq mäseleler zerttelıp, ǧylymi tūrǧyda qarastyrylady, – dedı Ädılbek Uvasilov.
