Jolaýshy sanyna esepteletin tarıf negizindegi sýbsıdııalaý modeli ózgermek. Endi, onyń ornyna marshrýttyń eseptik qunyna negizdelgen model engiziledi. Iaǵnı, tasymaldaýshy kúnine júrgen qashyqtyǵyna qaraı qarjy alady. Mundaı ózgeris avtobýs júrgizýshilerin jelide barynsha uzaq ýaqyt bolýǵa yntalandyra túspek. Bul týraly óńirlik kommýnıkaııalar qyzmetinde ótken brıfıngte Semeı qalasy ákiminiń orynbasary Ádilet Turysbek málimdedi.
- Salystyrmaly túrde aıtsaq, Abaı oblysy qurylǵanǵa deıin tehnıkanyń marshrýttarǵa shyǵý paıyzy 50%-dan aspaıtyn. Bul másele halyqty tasymaldaý sapasyna aıtarlyqtaı áser etti. Desede oblys qurylǵannan keıin biz, bul máseleniń sheshim neǵurlym jedel sheshýge tyrystyq. Qazirgi ýaqytta avtobýstardyń jelige shyǵý paıyzy 75%-dan tómen emes jáne turaqty deńgeıde saqtalýda, – deıdi Ádilet Turysbek.
Sonymen qatar, ákim orynbasary óz sózinde aldaǵy sýbsıdııalaý ózgerisi avtoparkterdiń qozǵalys quramyn jańartýǵa múmkindik beretinin jetkizdi.
– Qalanyń barlyq marshrýttarynda elektrondy bılet júıesi iske qosylǵan. Birikken dıspetcherlik jáne baqylaý qyzmeti boıynsha aıtsaq, qala ákimdiginiń Jolaýshylar kóligi jáne avtomobıl joldary bólimi jáne Jolaýshylar tasymaly basqarmasy ortalyǵy kelisimshart jasasqan. Barlyq aqparat sol jerden tapsyrys berýshige berilip, osy málimetter negizinde qarajat máselesi retteledi, – dedi spıker.
JK jáne AJ bóliminiń Jolaýshylar kóligi sektorynyń meńgerýshisi Arman Jolamanov avtobýs qozǵalysynyń aralyqtary men turaqtylyǵynyń buzylý máselelerinen habardar ekenin atap ótti.
- Qozǵalys turaqtylyǵynyń júıesi buzylǵan jaǵdaıda, biz sýbsıdııalaý erejelerine sáıkes, jospardyń oryndalýyna qaraı teńdeı sýbsıdııa somasyn azaıtýǵa quqylymyz. Mundaı jaǵdaılardy biz nazardan tys qaldyrmaımyz. Qazirgi tańda, jolaýshylar tasymalyn basqarý ortalyǵy bizge ár marshrýt boıynsha jospardyń qansha paıyzǵa oryndalǵany týraly málimet berip otyrady, – dep tolyqtyrdy Jolaýshylar kóligi sektorynyń meńgerýshisi.
Marshrýttyq jelilerdi ońtaılandyrý jáne jańa jelilerdi ázirlenbek. Bul týraly Semeı qalasynyń Jolaýshylar kóligi jáne avtomobıl joldary bóliminiń basshysy mindetin atqarýshy Ádilbek Ývasılov tolyǵyraq túsindirdi.
- 2025 jyly qalada marshrýttyq jelilerdi ońtaılandyrý josparlanýda. Marshrýttarǵa baılanysty barlyq máseleler zerttelip, ǵylymı turǵyda qarastyrylady, – dedi Ádilbek Ývasılov.
