Memleket basshysy Qasym-Jomart Toqaev búgin, 25 qarashada Qorǵanys mınıstri Rýslan Jaqsylyqovty qabyldady. Bul týraly Aqordanyń baspasóz qyzmeti jazdy, dep habarlaıdy «Adyrna» tilshisi.
Prezıdentke bólimshelerdiń jaýyngerlik daıyndyǵy men qarýly kúshter qataryna kúzgi shaqyrý naýqanynyń nátıjeleri, sondaı-aq áskerı qyzmettegi tártip pen qaýipsizdikti nyǵaıtýǵa, áskerı qyzmetshilerdiń áleýmettik mártebesi men jalaqysyn arttyrýǵa baǵyttalǵan sharalar jóninde baıandaldy.
Armııanyń jaýyngerlik áleýetin kezeń-kezeńimen kóterý jáne áskerdi daıarlaýdyń jańa tásilderine kóshý máselelerine aıryqsha nazar aýdaryldy.
Rýslan Jaqsylyqov memlekettik qorǵanys tapsyrysynyń oryndalý barysy týraly baıandap, áskerdiń qarý-jaraq pen tehnıkanyń jańa úlgilerimen, atap aıtqanda, ushqyshsyz basqarylatyn avıaııalyq júıelerimen, radıoelektrondyq kúres keshenderimen jaraqtandyrylyp jatqanyn habardar etti. Budan bólek, jaýyngerlik mashınalardy jáne baılanys quraldaryn jańǵyrtý, raıonalızatorlyq jumysty, sondaı-aq áskerı ınfraqurylymdy damytý máseleleri qarastyryldy.
Qasym-Jomart Toqaev elimizdiń bitimgerlik kontıngentiniń BUU aıasynda Golan jotalarynda atqaryp jatqan qyzmeti mańyzdy ekenin atap ótti.
Kezdesý sońynda Joǵarǵy Bas qolbasshy Qasym-Jomart Toqaev mınıstrge otandyq qorǵanys kásiporyndarymen ózara yqpaldastyqty jandandyrý, aýmaqtyq qorǵanys pen arnaıy operaııa kúshterin damytý, áleýmettik-quqyqtyq jumysty kúsheıtý jóninde naqty mindetter júktedi.
Aıta keteıik, 28 qarasha kúni Astanada UQShU elderi syrtqy ister, qorǵanys mınıstrleriniń, qaýipsizdiń keńesi hatshylarynyń otyrysy jáne qaýipsizdik keńesiniń sessııasy ótedi dep josparlanyp otyr.
