Atyraýdaǵy tórt túlik satatyn bes bazardyń birinde ólgen sıyrdan sibir jarasy anyqtaldy, dep habarlaıdy "Adyrna" ulttyq portaly.
Áleýmettik jelide taraǵan aqparatqa sáıkes, 12 qarashada bazar qyzmetkeri sıyrdyń ólip jatqanyn baıqaǵan. Keıin anyqtalǵandaı, bul mal Batys Qazaqstan oblysynan ákelingen.
Veterınarııalyq baqylaý jáne qadaǵalaý komıteti Atyraý oblystyq aýmaqtyq ınspekııasy basshysynyń ýaqytsha mindetin atqarýshy Nurken Baıarovtyń málimdeýinshe, bazar jabylyp, ondaǵy maldarǵa tolyqtaı vakınaııa jasalyp, 14 kún baqylaýǵa alynatyn bolady. Qala karantınge jabylmaıdy. Sebebi, basqa aımaqtarda mundaı aýrý tirkelmegen.
Búgin ólgen sıyrdan sibir jarasy anyqtalǵany rastaldy. Mamandar bazardaǵy barlyq mal ıelerin tekserýdi bastady. Qazirgi ýaqytta bazarda 56 sıyr, 79 qoı jáne 7 jylqy bar. Sonymen qatar, qaladaǵy basqa mal bazarlarynda da qosymsha tekserýler júrgizý josparlanyp otyr.
