Astanada Ulttyq akademııalyq kitaphanada Qazaqstannyń Eńbek Eri, Memlekettik syılyqtyń laýreaty, qazaq ádebıetiniń klassıgi Ákim Tarazıdyń esimi berilgen arnaıy zal ashyldy.
Sonymen qatar, belgili jazýshynyń 13 tomdyq shyǵarmalar jınaǵynyń tusaýkeseri ótti.
Ákim Tarazıdyń qazaq ádebıetin damytýǵa jáne ulttyq rýhanııatty nyǵaıtýǵa qosqan úlesi óskeleń urpaq úshin úlgi. Jazýshynyń shyǵarmalary, aýdarmalary, pesalary men tarıhı zertteýleri toptastyrylǵan bul kóptomdyq – baǵa jetpes bilim kózi.
Ákim Tarazıdyń atyndaǵy jeke zal oqyrmandarǵa qazaq ádebıetiniń klassıkteri shyǵarmalarynyń jeke kitaphanasyn, fotosýretter men jınaqtardyń keń aýqymyn usynady.
Sharaǵa qatysqan Astana qalasy Máslıhatynyń tóraǵasy Erlan Kanalımov "Toqsannyń tórine shyǵyp, ult rýhanııatynyń abyz aqsaqalyna aınalyp otyrǵan aǵamyzǵa bar jyly lebizimdi tileı otyryp, jastan jasqa, jaqsylyqtan jaqsylyqqa qýanyshpen jete berińiz degim keledi! El aǵalary aman bolsyn!"- dep, izgi tilegin bildirdi.
