«Qazatomönerkäsıp» ūlttyq atom kompaniiasy Budenovskoe ken ornynyŋ «Soltüstık» uchaskesınde 6 jyl uran barlau qūqyǧyn aldy. Kompaniia jer qoinauyn paidalanu qūqyǧyn taǧy 5 jylǧa ūzarta alady. Būl turaly bügın, 18 qaraşada ūlttyq operatordyŋ baspasöz qyzmetı jazdy, dep habarlaidy «Adyrna» tılşısı.
«Soltüstık» uchaskesı urannyŋ ırı ken şoǧyrynyŋ boluyna bailanysty aitarlyqtai äleuetke ie. Onyŋ qolaily geologiialyq jaǧdailary jäne jūmys ıstep tūrǧan ken oryndaryna jaqyndyǧy tabysty jäne ūzaq uaqyt igeru üşın bıregei mümkındıkter tuǧyzady. Būl joba Qazaqstannyŋ uran öndıru salasyn damytudaǧy maŋyzdy kezeŋ bolatynyna jäne bızdıŋ kompaniianyŋ ūzaq merzımdı qūndylyǧyn qūruǧa eleulı üles qosatynyna senımdımız», - dep atap öttı basqarma töraǧasy Meiırjan Iýsupov.
Aldyn ala baǧalau boiynşa R1 jäne R2 sanattary boiynşa uchaskedegı uran resursy 100 myŋ tonnadan asady. Bolaşaqta resurstardy naqtylau jäne olardy joǧary sanattarǧa (S1 jäne S2) auystyru josparlanǧan. Būl uchaskenıŋ äleuetın barynşa tiımdı paidalanuǧa jäne kompaniianyŋ ūzaq merzımdı strategiialyq josparlaryn ıske asyruǧa mümkındık beredı.
Eske salaiyq, byltyr «Ortalyq Aziia elektr energetikalyq korporasiiasy» AQ būrynǧy basşysy, belgılı käsıpker Erkın Ämırhanov «Budenovskoe» kenışı kezınde qazaqstandyq oligarh Aleksandr Klebanov pen onyŋ ısker serıktesı, horvat-reseilık käsıpker Vasilii Anisimovqa tegın ötıp ketkenın aitqan edı.
