Túrkistan oblysy qoǵamdyq damý basqarmasy «Jastar resýrstyq ortalyǵy» KMM-niń uıymdastyrýymen qazirgi tańda ózekti máselege aınalyp otyrǵan erte júktiliktiń aldyn alý jáne sanaly da, salaýatty ómir súrýge tárbıeleý maqsatynda «Kel TALKLIKE» atty taqyrybynda «Bolashaq» kolledjinde kezdesý ótti.
Kezdesýge jalpy tájirbıeli akýsher-gınekolog mamany Djýrgabaeva Asem Erbolatovna, «Qoǵamdyq damý jáne psıhologııalyq kómek kórsetý» bólimniń psıholog mamany Ómirtaeva Jansaıa qatysty.
Maqsaty: jastar men jasóspirimder arasynda ózekti máselege aınalǵan erte júktiliktiń aldyn alý, jastardyń adam tárbıesi men qoǵam tárbıesine baılanysty kózqarastaryn durys qalyptastyra otyryp, bolashaqta urpaq qamyn, ult taǵdyryn oılaıtyn qoǵamnyń múshesi bolýlaryna jaǵdaı jasaý, erte júktiliktiń aldyn alý maqsatynda túsinikteme berý.
Kezdesýge qatysqan jastar, jasóspirim qyz balalardyń denesiniń damýy, gıgıenasy týraly dárigerler keńesin tyńdap, taqyryp tóńireginde tolǵandyrǵan suraqtaryn qoıyp, arnaıy mamandar qoıylǵan saýaldarǵa jaýap berdi.
