AQSh prezıdenti Djo Baıden men Qytaı halyq Respýblıkasynyń tóraǵasy Sı zınpın Lımada ótken Azııa-Tynyq muhıty ekonomıkalyq yntymaqtastyq forýmy aıasynda alǵashqy kezdesýlerin ótkizdi, dep habarlaıdy "Adyrna" ulttyq portaly Golos Amerıkıǵa silteme jasap.
Baıden Sı zınpınmen qytaı basshysy toqtaǵan qonaqúıde kezdesti.
«Qytaıdyń maqsaty — Qytaı men AQSh arasyndaǵy turaqty, saý jáne ornyqty qatynastardy saqtaý», - dep málimdedi Sı zınpın. Sonymen qatar, bul maqsattyń saılaýdan keıin de ózgermeıtinin aıtyp, eki el arasyndaǵy qarym-qatynastarda «kóterilister men quldyraýlar» bolǵanyn moıyndady.
Sı zınpın Qytaı jańa AQSh ákimshiligimen baılanystardy qoldap, yntymaqtastyqty keńeıtip, qaıshylyqtardy sheshýge daıyn ekenin alǵa tartty.
Eki eldiń jetekshileriniń bul kezdesýi AQSh prezıdenti qyzmetine qaıta oralatyn Donald Tramptyń bılikke kelýine eki aı qalǵanda ótti. Bul jańa saýda soǵystary men dıplomatııalyq daǵdarystarǵa qatysty alańdaýshylyqtardy týǵyzdy.
Baıden Qytaı men AQSh arasyndaǵy qatynastar «básekelestik, biraq qaqtyǵysyz» bolýy kerek dep atap ótti.
Sı zınpın eki el arasyndaǵy qatynastardyń «kóterilister men quldyraýlarmen» damyǵanyn eske salyp, eger bir tarap ekinshi tarapty qarsylas nemese jaý dep sanasa, bolashaqta eki jaq ózara qaıshylyqtarǵa tipti regressııaǵa tap bolýy múmkin ekenin eskertti.
Baıden Qytaımen qarym-qatynastaǵy shıelenisti tómendetýge tyrysady. Biraq Vashıngton sońǵy ýaqytta Qytaıdy AQSh úkimeti men prezıdenttik kompanııa ókilderiniń telefon áńgimelerin buzý áreketin jasady dep aıyptady. Sondaı-aq Pekınniń Taıvanǵa jasaıtyn qysymynyń kúsheıýi men Qytaıdyń Reseıge qoldaý kórsetkeni de alańdaýshylyq týǵyzdy.
Kezdesýde AQSh-tyń memlekettik hatshysy Entonı Blınken men ulttyq qaýipsizdik jónindegi keńesshi Djeık Sallıvan jáne basqa resmı tulǵalar da boldy.
