Aqmola oblysynyń Sabyndy aýylynda burynǵy meshitte gaz jarylysynan úsh adam qaza tapty, dep habarlaıdy "Adyrna" ulttyq portaly.
Ǵımaratta as berý rásimi ótip jatqan.
Oblystyq TJD málimetinshe, jarylys gaz-aýa qospasynyń jarylýy nátıjesinde oryn alyp, órtenýsiz ǵımarattyń qulaýy bolǵan.
"Nátıjesinde 1978 jyly týǵan er adam qaza tapty. Qutqarýshylar 1983 jylǵy áıel men 2012 jylǵy balanyń denelerin tapty. 16 adam Astana qalasynyń qalalyq aýrýhanasyna jetkizildi", - dep habarlady QR TJM.
Sonymen qatar, qutqarýshylar ǵımarattan jeti gaz ballonnyń altaýyn shyǵardy.
"Qazirgi ýaqytta úıindilerdi tazalaý jumystary jalǵasýda. Oqıǵa ornynda oblystyq TJD-niń 30-ǵa jýyq jeke quram múshesi men bes tehnıka birligi, sondaı-aq, jedel qutqarý jasaǵy, Apattar medıınasy ortalyǵynyń psıhologtary men Astana qalasynyń kınologııalyq qyzmeti jumys isteýde", - dep málimdedi TJM.
Jarylystyń sebebi Aqmola oblysy men Astana qalasynyń TJD-niń zertteý synaq órt zerthanasy arqyly anyqtalady.
