Qazaqstan Premer-ministr Oljas Bektenov ükımet otyrysynda jylytu mausymynda tūrǧyn üilerde oryn alǧan örtterdıŋ sebepterın atady, dep habarlaidy "Adyrna" ūlttyq portaly.
Ol elımızde jylytu mausymy jaŋa bastalǧanyna qaramastan, el boiynşa är kün saiyn ört oryn alyp jatqanyn atap öttı.
"Bır aida peşterdı paidalanu saldarynan 130-dan astam ört tırkeldı. Gazben ulanu jaǧdailary köbeidı, qaza bolǧandar bar. Bız mūndai jaǧdailardy azaituymyz kerek. Jylytu mausymynda oryn alǧan örtterdıŋ 50%-y peşter men qūbyrlardyŋ dūrys jūmys ıstemeuınen bolady. Bıraq örtterdıŋ negızgı sebepterı – peşter men qazandyqtardy paidalanu kezınde ört qauıpsızdıgı erejelerınıŋ qataŋ būzyluy", – dedı Bektenov.Sonymen qatar, premer-ministr tötenşe jaǧdailar ministrlıgıne ört qauıpsızdıgıne qatysty būzuşylyqtardy joiu boiynşa tiımdı jüie qalyptastyrudy tapsyrdy. Ol gaz tehnikalyq inspeksiiasynyŋ ökılettıkterın küşeitu kerektıgın de atap öttı. Bektenov TJM, IIM jäne äkımdıkterge profilaktikalyq jūmystardy jandandyrudy jäne jergılıktı äkımdıktermen bırlese otyryp, tūrǧyn üi sektorlarynda ört qauıpsızdıgı boiynşa ıs-şaralar ūiymdastyrudy tapsyrdy. Äleumettık osal toptar üşın üilerde monitoring jürgızu qajet ekenıne de toqtaldy. Mūndai üilerde erkın gaz datchikterı ornatyluy tiıs. Sondai-aq, Premer-ministr gaz ballondarynyŋ jaramsyzdyǧy mäselesın köterdı, öitkenı osy jylytu mausymynda 8 ret ballon jarylyp, apattar oryn alǧan. Ol äkımdıkterge gaz ballondarynyŋ qauıpsızdıgıne nazar audaryp, olarǧa tekseru jūmystaryn jürgızudı tapsyrdy.
