Týrızm jáne sport mınıstri Erbol Myrzabosynov QFF prezıdenti kim bolýy múmkin ekenin aıtty, dep habarlaıdy «Adyrna» ulttyq portaly.
Jýrnalıster «Ádilet Bármenqulovtyń ne úshin otstavkaǵa ketkenin naqty bilmeımiz. Biraq ol azamattyń fýtbolshylarmen qarym-qatynasy óte jaqsy edi. Jeńisti sátterde fýtbolshylar Bármenqulovtyń mańdaıyn súıip, keremet qarym-qatynas bar edi. Buǵan deıin onyń ornyna Qazaqstan azamattyǵyn alǵan reseılik bıznesmen Tımýr Týrlov keledi degen pikir aıtyldy. Tımýr Týrlovtyń Qazaqstan fýtbol federaııasynyń basshysy bolýy múmkin be?» dep mınıstrden surady.
«Ádilet Nazarbaıuly búgingi kúni óz erkimen jumystan ketip jatyr. Bir aıdan keıin fýtbol federaııasynyń konferenııasy ótedi jáne sol kezde prezıdenti taǵaıyndalady. Federaııa qoǵamdyq uıym bolǵannan keıin ár óńirde fılıaldary bar. Jaýapty adamdary erteń saılaýǵa qatysady. Biz óz tarapymyzdan fýtboldyń álemdegi №1 sport bolǵannan keıin mınıstrlik tarapynan kandıdattardy qarap, óz usynystarymyzdy beretin bolamyz», – dedi ol.
Jýrnalıstiń «Federaııa prezıdenti Tımýr Týrlov bolýy múmkin be?» degen suraǵyna «Búgingi kúni kandıdat retinde berilýi múmkin. Al saılaý barysynda komıssııa sheshedi» dep mınıstr qysqa-nusqa jaýap berdi.
