Atyraý qalasyndaǵy «Bilim-ınnovaııa» lıeıiniń 11-synyp oqýshylary Haıdar Atagýlla men Qaıyrhan Luqpanov ázirlegen «Aqyldy kózildirik» jobasy álemniń úzdik 100 jobasy qataryna endi. Joba Jasscience-2024 baıqaýynyń jeńimpazy bolyp, álemdegi eń bedeldi baǵdarlamalardyń biri 100 Rise Global Winners 2024 tizimine engizildi. Bul týraly Oqý-aǵartý mınıstrliginiń baspasóz qyzmeti jazdy, dep habarlaıdy «Adyrna» tilshisi.
«Kózildirik RikaAI jasandy ıntellekt negizinde jumys isteıdi. Bul — saýsaqpen basý arqyly iske qosylatyn ıntýıtıvti baǵdarlama. Ol qoldanýshyǵa qulaqqap arqyly daýystyq komandalar beredi jáne sol arqyly qurylǵymen ózara árekettesýge múmkindigi týyndaıdy. Biz materıal jasaý úshin 3D prınterdi qoldandyq, al kamera, qulaqqaptar men mıkrofondy arnaıy tapsyrys boıynsha aldyq», — deıdi joba avtorlarynyń biri Haıdar Atagýlla.
Kózildirikter tórt negizgi fýnkııany atqarady. Birinshiden, olar ChatGPT nemese Wikipedia sııaqty qoıylǵan suraqtarǵa jaýap beredi. Ekinshiden, mátindi skanerlep, dybystap oqıdy. Úshinshiden, kózildirik qozǵalys kezinde kedergiler týraly eskertip otyrady, bul kórý qabileti nashar adamdarda qulaý men jaraqattanýdyń aldyn alýǵa kómektesedi. Tórtinshiden, kózildirikter bólmede bolyp jatqan oqıǵalar týraly aqparat berip, sıpattaı alady.
Mınıstrlik jas ǵalymdardyń jetistikterin maqtanysh etedi jáne olardyń bilim men ǵylym salasyndaǵy ınnovaııalyq tehnologııalardy damytýǵa baǵyttalǵan talpynystaryna jan-jaqty qoldaý bildiredi.
