Qazaqstandyq jas şahmatşylar Braziliiada jasöspırımder arasynda (U14-U18) şahmattan ötken älem chempionatynda üş kümıs pen bır qola medal jeŋıp aldy, dep habarlaidy «Adyrna» tılşısı.
Atap aitsaq, Open 14 sanatynda halyqaralyq şeber IM Edgar Mamedov, Girls 18-de WIM Amina Qaiyrbekova, Open 18-de IM Aldiiar Ansat kümıs jüldege ie boldy. Sondai-aq Open 14 sanatta halyqaralyq şeber IM Sauat Nūrǧaliev qola medal ielendı.
«Bızdıŋ jastardyŋ älem chempionatyndaǧy jetıstıgı – taŋdalǧan talanttardy qoldau strategiiamyzdyŋ dūrystyǧyn taǧy bır ret däleldedı. Osy örenderımızdıŋ ışınde Qazaqstan şahmatynyŋ bolaşaǧyn, bolaşaq älem chempiondaryn körıp otyrmyz. Jas şahmatşylarymyzdy jäne olardyŋ tabysyna üles qosqan barşa janaşyrlardy şyn jürekten qūttyqtaimyn!» – dedı 9 qaraşada Qazaqstan şahmat federasiiasynyŋ prezidentı Timur Turlov.
Aita keteiık, U14–U18 jasöspırımder arasynda ötetın älem chempionaty – 11 tur şveisariialyq jüie boiynşa ötkızıletın, eresekterdıkındei klassikalyq uaqytty esepteitın sanauly turnirlerdıŋ bırı. Är oiynşyǧa alǧaşqy 40 jürıske 90 minut, keiın partiianyŋ soŋyna deiın 30 minut berıledı, är jürıs saiyn qosymşa 30 sekund qosylady.
