Kesheden beri Teńizde taǵy da daýyl kóterildi. Jergilikti halyq eki talappen kóshege shyqty. Birinshisi Qytaıdyń 55 zaýytynyń Qazaq Jerine kirýine tıym salý. Ekinshi talap Jerdi satpaımyz. Osy eki talappen Jańaózen kesheden sherýletip jatyr. Halyq qyrkúıektiń 11-12 kúnderine josparlanǵan el prezıdenti Qasym-Jomart Toqaevtyń Qytaıǵa saparynan bas tartýǵa shaqyrdy.
Keshe sherýge shyqqan jańaózendikter búgin taǵy da jergilikti ákimdik aldyna jınaldy. Qala ákimi Ádilbek Daýylbaev pen prokýratýra, polıııa ókilderi turǵyndarǵa sherýdi zań aıasynda ótkizýdi usyndy. Jańaózenge barǵan Mańǵystaý oblysynyń ákimi Serikbaı Turymov Qazaqstanda Qytaı zaýyttary salynbaıtynyn aıtqanymen jergilikti turǵyndar ákimdi tyńdamady.
Bizge habarlasyp, aty-jónin aıtýdan bas tartqan jańaózendik turǵynnyń aıtýynsha, Jańaózendegi bir kompanııany Qytaılar satyp alypty. Jańaózende qytaılar bar ma? degen saýalymyzǵa "bizde ázirge qytaılar joq. Olar búgin kelmese de erteń keledi. Sol úshin jurt kóshege shyqty" dep jaýap berdi.
Búgin Nur-Sultan, Shymkent pen Aqtóbe qalalarynda Jańaózendikterdi qoldaý akııalary ótti. Shymkentte 20 shaqty adam mańǵystaýlyqtarmen birge ekenin aıtyp, Ordabasy alańyna shyqty. Sondaı-aq shymkenttikter bılikti Qytaıdan alynǵan kredıt pen ekijaqty jasalǵan kelisim jaıly aqparatty jarııalaýǵa shaqyrdy.
"Azattyqtyń" habarlaýynsha búgin Nur-Sultanda da jańaózendikterdi qoldaý akııasy ótti. Jergilikti turǵyndar Anna Shókeeva, Álııa Jakýpova men Qaldyhan Qozybaeva Aqordaǵa baratyn jol boıyna "Qytaı ekspansııasyna jol joq", "Biz Jańaózenmen birgemiz", "Men jańaózendikterdi qoldaımyn! Al sen she?" degen jazýy bar plakattar ustap shyqty. Olardy sol mańnan ótip bara jatqan keı adamdar da qoldap, pikirlerin aıtyp jatty.
- Jańaózen árqashan Qazaqstannyń jan jarasy bolyp qalady. Sondyqtan da biz olardyń beıbit narazylyǵyna qoldaý bildirip shyǵyp turmyz. 2011 jylǵy jeltoqsanda bolǵan jaǵdaıdy eshkim de qaıtalaǵysy kelmeıdi dep oılaımyn, - dedi Álııa Jakýpova 2011 jyly jeltoqsanda birneshe aıǵa sozylǵan munaıshylar ereýiline polıııanyń oq atyp, qantógiske ulasqanyn eske alyp dep habarlaıdy "Azattyq" radıosy.
Elbasy Nursultan Nazarbaev Qytaı basylymdaryna bergen suhbatynda Qytaıdyń Qazaqstandaǵy 55 iri jobasynyń 15-i jumysyn bastaǵanyn, 11 nysan bıyl paıdalanýǵa beriletinin aıtqan bolatyn.
"Adyrna" ulttyq portaly
