Qostanaı oblysynda kotelnaıada jarylys bolyp, 1 adam zardap shekti dep habarlaıdy "Adyrna" ulttyq portaly.
Qostanaı oblysynyń Amangeldi aýylynda Mádenıet úıiniń jeke turǵan kotelnıasynda qazandyq jarylyp, ǵımarattyń qulaýy oryn aldy. Qutqarýshylar úıindiler astynan 1969 jyly týǵan er adamdy alyp shyǵyp, ony jedel medıınalyq kómek qyzmetine tapsyrǵan. Kýágerlerdiń aıtýynsha, ǵımarat ishinde basqa adamdar bolmaǵan.
Oqıǵa ornynda tótenshe jaǵdaılar departamentiniń qyzmetkerleri, polıııa jáne jergilikti atqarýshy organdar jumys isteýde. Jergilikti bıliktiń málimdeýinshe, 2022 jyly ornatylǵan №2 qazandyq úsh ekiqabatty turǵyn úı men ákimshilik ǵımarattardy, sonyń ishinde sot, murajaı jáne Mádenıet úıin jylýmen qamtamasyz etedi.
Jylý júıesin qaıta qalpyna keltirý úshin bir jarym táýlik ishinde konteınerlik tıptegi blochno-modýldik kotelnıa ornatylady. Oǵan qosa, jylytý júıesimen qosylǵan úılerge jylýdy ýaqytsha jetkizý sharalary qarastyrylǵan. Elektr qýatynda úzilister joq.
Jergilikti bılik 1969 jylǵy er adamnyń Amangeldi aýdandyq aýrýhanasyna jatqyzylǵanyn jáne oǵan qajetti medıınalyq kómek kórsetilgenin málimdedi. Sonymen qatar, sanavıaııa jelisi boıynsha Arqalyq qalasynyń óńirlik aýrýhanasyna jetkizý máselesin sheshý jáne emdeý sharalaryn túzetý úshin anestezıologtar brıgadasy jiberildi.
