Aǵymdaǵy jyldyń birinshi jartyjyldyǵynda Almatyda ShOB ónimin shyǵarý 28,4% - ǵa 5,5 trln teńgege deıin ulǵaıdy. Qańtar-qyrkúıekte jumys istep turǵan ShOB sýbektileriniń sany 6,2% - ǵa 361,1 myń birlikke deıin ósti. Bul týraly qalalyq ekonomıka basqarmasynan habarlady. Olardyń boljamy boıynsha, Almatynyń 2025 jylǵa arnalǵan bıýdjeti 20% - ǵa 2,1 trln teńgege deıin ulǵaıady.
«ShOB-ty qoldaý úshin 2024 jyly memlekettik bıýdjetten sýbsıdııalaýǵa, kepildik berýge jáne kredıtteýge 53,1 mlrd teńge bólindi. 2024 jyldyń 9 aıynda 113,1 mlrd teńge nesıe somasyna 1,7 myń jańa ShOB jobasyna qoldaý kórsetildi, ótken jyldary maquldanǵan 2 myńnan astam jobanyń syıaqy mólsherlemesiniń bir bóligin sýbsıdııalaý túrinde qoldaý alýdy jalǵastyrýda», - dep habarlady ekonomıka basqarmasy.
Bul Almatynyń JÓÓ – degi ShOB úlesin 2024 jyly 60% - ǵa deıin, 2025 jyly 62% - ǵa deıin ulǵaıtýǵa yqpal etedi. 2024 jyldyń birinshi toqsanynda ShOB úlesi 55,2%-dy qurady.
Almaty ekonomıka basqarmasynyń habarlaýynsha, ındýstrıaldy jáne arnaıy ekonomıkalyq aımaqtar alańdarynda jalpy somasy 452 mlrd teńgege 87 ınvestıııalyq joba iske asyrylýda. 2024 jyly 4,5 myń jańa jumys ornyn qurýmen 220 mlrd teńge somasyna 40 joba iske asatyn bolady.
