Ótken jyly Qazaqstan Respýblıkasynyń saýda jáne ıntegraııa mınıstrligi «Sapaly ónim» jobasyn iske qosty. BQO saýda jáne tutynýshylardyń quqyqtaryn qorǵaý departamentiniń basshysy Elmıra Kımatovanyń aıtýynsha, joba tutynýshylardy qorǵaý jónindegi úkimettik emes sektordy, jergilikti atqarýshy jáne ókildi organdardyń, sondaı-aq kásipkerlik qoǵamdastyq tyń ókilderin otandyq óndirýshilermen tutynýshylardy qaýipti jáne sapasyz ónimderden qorǵaýdy qamtamasyz etý jónindegi jalpyulttyq múddelerdi iske asyrýǵa tartý, parasatty básekelestikti damytý úshin jaǵdaılar jasaýdy kózdeıdi.
Atalǵan jobany iske asyrý maqsatynda Úkimetke jáne memlekettik organdarǵa, «Atameken» Ulttyq Kásipkerler palatasyna ishki naryqty jáne otandyq óndirýshilerdi qorǵaýǵa baǵyttalǵan saýda saıasatynda retteýshi sharalardy ázirleý tapsyryldy.
Joǵaryda atalǵan is-sharany iske asyrý maqsatynda Batys Qazaqstan oblysynyń qoǵamdyq damý basqarmasy memlekettik áleýmettik tapsyrys sheńberinde «Azamattyq qoǵamdy damytý jaǵdaıynda tutynýshylardyń quqyqtaryn qoǵamdyq baqylaýdy jáne qorǵaýdy qamtamasyz etý jónindegi is-sharalardy uıymdastyrý» taqyrybynda joba boıynsha konkýrs jarııalady. Baıqaý jeńimpazy «Batys Qazaqstan oblystyq tutynýshylardyń quqyqtaryn qorǵaý qoǵamy» qoǵamdyq birlestigi bolyp tanyldy, Birlestik tóraǵasy Darına Telagısova is-sharalardy júzege asyrady.
BQO saýda jáne tutynýshylardyń quqyqtaryn qorǵaý departamentiniń basshysy Elmıra Nurqyzy jobaǵa Saýda jáne tutynýshylardyń quqyqtaryn qorǵaýdepartamentimen qoǵamdyq birlestikten basqa, sanıtarlyq-epıdemıologııalyq baqylaý departamenti, Tehnıkalyq retteý jáne metrologııa departamenti, Qoǵamdyq damý basqarmasy sııaqty memlekettik organdar tartylǵanyn jetkizdi. Osy joba sheńberinde memlekettik organdarmen birlestikterdiń jumys algorıtmi jasaqtalǵan.
Qoǵamdyq birlestik qalanyń saýda obektilerinde tamaq ónimderin satyp alýdy júrgizedi, sodan keıin ónim zertteý hattamalaryn alý úshin saraptama ortalyǵynyń fılıaldaryna tapsyrylady.
Ári qaraı, zertteý hattamalaryn birlestik Saýda jáne tutynýshylardyń quqyqtaryn qorǵaý departamentine jiberedi. Memlekettik organ ónimniń ár túrli kórsetkishter boıynsha belgilengen standarttarǵa sáıkes kelmeýi bolǵan kezde hattamalarmen qosa aqparat sanıtarııalyq-epıdemıologııalyq baqylaý departamentine, Tehnıkalyq retteý jáne metrologııa Komıtetiniń departamentine jiberiledi.
Munda árbir memlekettik organ óz quzyreti sheńberinde is-sharalardy pysyqtaıdy, máselen sanıtarlyq-epıdemıologııalyq qyzmet organdary satýshylardy ákimshilik jaýapkershilikke tartady, Tehnıkalyq retteý organdary – tamaq ónimderine arnalǵan deklaraııalardyń kúshin joıý bóliginde.
– Joba aıasynda qansha synama alynǵany jáne qandaı nysandarda qandaı buzýshylyqtar anyqtalǵany týraly qoǵamdyq birlestiktiń tóraǵasy aıtyp beredi. Barlyq derlik saýda obektilerinde jaramdylyq merzimi ótken tamaq ónimderiniń bolýy anyqtalǵanyn atap ótkim keledi. Osyǵan baılanysty kásipkerlik sýbektilerine júginemin, jaramdylyq merzimi ótken tamaq ónimderin satý zańnama talaptaryn óreskel buzý bolyp tabylady. Saýda obektileriniń basshylyǵy taýarlardyń ótkizilýine baqylaýdy kúsheıtýi, jaramdylyq merzimi ótken ónimderdi saýda sórelerinen ýaqtyly alyp tastaýy qajet. Osy joba sheńberinde birlesken jumys aǵymdaǵy jyldyń sońyna deıin júrgiziletin bolady. Joba arqyly kásipkerlik sýbektileriniń nazary osy máselege tartylady jáne bizdiń saýda obektilerinde tehnıkalyq jáne sanıtarlyq reglamentterdiń talaptaryna sáıkes keletin tamaq ónimderi iske asyrylatyn bolady dep úmittenemiz, – deıdi basqarma basshysy.
