Saran qalasynyń ákimi Erkin Baýlyqov pen Qaraǵandy oblysynyń energetıka jáne TKSh basqarmasynyń basshysy Tilektes Dosaev qatań sógis aldy. Bul týraly búgin oblys ákimdiginiń baspasóz qyzmeti jazdy, dep habarlaıdy «Adyrna» tilshisi.
Basshylar qalany jylýmen qamtýda olqylyq jibergen. Saldarynan birneshe úı jylýsyz qaldy.
Budan bólek, oblys ákiminiń birinshi orynbasary Azamat Taıjanovqa eskertý túrinde tártiptik jaza jarııalandy.
«Qyzmettik mindetterin tıisinshe oryndamaǵany úshin, atap aıtqanda, jylytý maýsymyna daıyndyqty jete baqylamaǵany úshin jazalandy. Qys mezgilinde sapaly jylýmen qamtamasyz etý biz úshin basty mindet ekenin taǵy bir márte eske salǵym keledi. Jumys úzdiksiz júrgizilýi kerekch Ár jaǵdaıǵa qatań baǵa berilip, jaýapkershilik dárejesi anyqtalady»,— dedi oblys ákimi Ermaǵanbet Bólekpaev.
Eske sala keteıik, eki apta buryn Saran turǵyndary úılerinde jylý joq ekenin aıtyp shaǵymdanǵan edi.
