Erkin kúresten Qazaqstan quramasynyń ókili Rızabek Aıtmuhan Albanııada ótip jatqan jastar arasyndaǵy (U23) álem chempıonatynda jeńimpaz atandy, dep habarlaıdy «Adyrna» tilshisi.
27 qazanda otandasymyz 97 kelige deıingi salmaqta beldesip, fınalda ırandyq qarsylasyn aıqyn jeńdi. Osylaısha 20 jastaǵy qazaqstandyq sportshy óz mansabynda úshinshi márte álem chempıony atandy.
Eske salaıyq, Rızabek Aıtmuhan byltyr Belgradta eresekter arasynda (92 kg deıingi salmaq), al bıyl Pontevedra qalasynda 20 jasqa deıingi palýandar arasynda álem chempıony (97 kg deıingi salmaq) atanǵan bolatyn.
