Ulytaý oblysynyń ortalyǵyndaǵy «Metallýrg» stadıonynyń alańy zamanaýı talaptarǵa saı jańartylyp, fýtbolsúıer qaýymnyń ıgiligine usynyldy. QR Fýtbol federaııasynyń «ALAN» jobasy aıasynda jóndelgen alań endi álemdik standarttarǵa tolyq sáıkes keledi. Stadıonnyń ashylý saltanatynda Ulytaý oblysynyń ákimi Dastan Ryspekov fýtbol federaııasynyń prezıdenti Ádilet Bármenqulovqa alǵysyn bildirdi.
«Bul alań óńirimiz úshin erekshe mańyzǵa ıe. 60 jyldyq tarıhy bar, óńirdiń sporttyq sımvolyna aınalǵan oryn. Endi bizdiń «Ulytau» fýtbol klýbynyń oıynshylary FIFA standarttaryna saı alańda matchtar ótkizip, daıyndalýǵa múmkindik alady», - dedi ákim óz sózinde.
Jańartylǵan alańda joǵary deńgeıdegi qalalyq, oblystyq, respýblıkalyq jarystar men Premer-lıga oıyndaryn ótkizý úshin barlyq qajetti zamanaýı jabdyqtar ornatylǵan. Jańa jasandy jabynnyń sapasy men qaýipsizdigi fýtbolshylardyń jaraqat alý qaýpin azaıtýǵa múmkindik beredi. Sonymen qatar, stadıonda kórermenderge arnalǵan jaıly oryndar men qajetti ınfraqurylym jańartyldy, bul sporttyq is-sharalardy tamashalaýǵa qolaıly jaǵdaı jasaıdy.
Ashylý saltanatynda Qazaqstan fýtbol federaııasynyń prezıdenti Ádilet Bármenqulov, Ulytaý oblystyq fýtbol federaııasynyń basshysy Ǵalym Nurjanov, «ALAN» jobasynyń brend ambassadory Samat Smaqov, federaııa prezıdentiniń keńesshisi Ermuhamed Máýlen, sondaı-aq «Ulytaý» FK prezıdenti Talǵat Baısýfınov qatysty.
Saltanatty sharadan keıin qonaqtardyń qatysýymen qaqpaǵa gol soǵý rásimi uıymdastyryldy. Sonymen qatar, stadıonnyń tarıhy men damý jolyna arnalǵan arnaıy kórme ótkizilip, qonaqtar ótken jyldardaǵy mańyzdy oqıǵalardy eske aldy.
