Aqtóbede bir top ata-ana balalaryn mektepke hıdjappen kirgizýdi talap etti

5547
Adyrna.kz Telegram
29 tamyzda Aqtóbede bir top ata-ana oblystyq ákimdikke baryp, balalaryn mektepke hıdjappen kirgizýdi talap etti.

Ata-analar mektepke balalaryn hıdjappen kirgizýdi bolmasa aqyly mektepte bilim alýy úshin bıýdjetten arnaıy aqsha bólip, oqytýdy surady. Olar balalaryn qymbat mektepterde oqytýǵa qarajattary jetpeıtinin aıtyp, "memleket balalardyń bilim alýy úshin aqsha bóledi, sol aqshany aqyly mektepterge bıýdjetten tólesin" dedi.

- Bılik ózi bas bolyp, Ata zańdy buzyp otyr. Qazaqstanda mınıstrliktiń erejesi Ata zańnan joǵary, - dedi konstıtýııalyq quqyqtary shektelip jatqanyn alǵa tartqan ata-analardyń biri Berik Súlekenov.

Jınalys zalynda ýájin aıtyp jatqan ata-analardyń biri Berik Súlekenov (sol jaqta). Aqtóbe, 29 tamyz 2019 jyl.
Jınalys zalynda ýájin aıtyp jatqan ata-analardyń biri Berik Súlekenov (sol jaqta). Aqtóbe, 29 tamyz 2019 jyl.

Kelgender arasynda "balalarymyz mektepke deıin oramalmen barady, mekteptiń janynda sheshedi, májbúrlikpen istep otyrmyz, bizge qysym jasalyp jatyr" dep shaǵymdanǵandar kóp boldy. Ata-analar arasynda tek Aqtóbe qalasy ǵana emes, Temir aýdanyndaǵy Shubarshı aýylynan, Muǵaljar aýdanyndaǵy Qandyaǵash qalasynan kelgen ata-analar da boldy.

Jınalys zalynda narazy ata-analardyń suraqtaryna Aqtóbe oblysy ákiminiń orynbasary Marat Toǵjanov, oblystyq bilim basqarmasy basshysynyń orynbasary Nurgúl Bertileýova, oblystyq dinı basqarma basshysy Álimbek Turdalıev jaýap berdi. Olar "zaıyrly memlekettiń erejelerin saqtaý qajettigin, oqýshylardyń mektep formasyn saqtaý mańyzdylyǵyn" aıtyp, túsindirdi.

Aqtóbe oblysy ákiminiń orynbasary Marat Toǵjanov (ortada) balalaryn mektepke hıdjappen kirgizýdi talap etken ata-analardyń suraqtaryna jaýap berip jatyr. Aqtóbe, 29 tamyz 2019 jyl.
Aqtóbe oblysy ákiminiń orynbasary Marat Toǵjanov (ortada) balalaryn mektepke hıdjappen kirgizýdi talap etken ata-analardyń suraqtaryna jaýap berip jatyr. Aqtóbe, 29 tamyz 2019 jyl.

Shamamen birneshe saǵatqa sozylǵan talqylaý kezinde eki jaq ortaq mámilege kele almady. Jınalys sońynda ata-analar el prezıdenti Qasym-Jomart Toqaevqa úndeý joldaıtynyn aıtyp, tarasty.

Oblystyq bilim basqarmasynyń dereginshe, 2018-2019 jylǵy oqý jylynda Aqtóbe qalasynda "oramal daýyna" baılanysty jeti bala synyptan synypqa kóshpeı qalǵan. Jyl sońyna taman "synypqa kóshpeı qalý qaýpi týyndaǵan soń" bir bala oramalyn sheship, mektepke kirgen. 11 bala óz betinshe reseılik onlaın mektep arqyly bilip alǵan. Birneshe bala ózge oblysqa kóship ketken.

2016 jyly qańtarda bilim jáne ǵylym mınıstrligi biryńǵaı mektep formasy erejesi týraly 26 buıryqty qabyldady.

Bul ereje Aqtóbe, Batys Qazaqstan, Mańǵystaý jáne Ońtústik Qazaqstan oblystaryndaǵy keıbir mektep pen ata-analar arasyndaǵy daý-damaıǵasebepshi boldy.

Qabyldanǵan erejege saı, mektep oqýshylary pıdjak, keýdeshe, jeıde, shalbar, klassıkalyq jeıde (qys kezinde qalyń keýdeshe, sarafan) kııýi kerek. Mektep formasyna qatysty bul talaptardy menshik nysanyna qaramastan eldegi jalpy bilim berý mekemeleriniń barlyǵy birdeı oryndaýǵa mindetti.

Derekkóz: azattyq.org

"Adyrna" ulttyq portaly

Pikirler