Abaı oblysynyń Úrjar aýdanyndaǵy Úrjar aýylynda 2001 jyly týǵan jas jigittiń kisi qolynan qaza tapqany anyqtaldy.
2024 jyldyń 30 qańtarynda Abaı oblysynda Raıbek Rahat esimdi er adam asa qatygezdikpen óltirilgen.
Aqparatty BAQ–qa jetkizgen jigittiń týǵan ápkesi – Ásem.
«2001 jyly týǵan baýyrym asa jaýyzdyqpen, qataldyqpen óltirildi. Oǵan 22 pyshaq jaraqaty salynǵan!!! 29.01.24 kúni áskerı komıssarıatta Ýrdjar aýdandyq qorǵanys isteri basqarmasynyń (ODO) 6-ǵa jýyq qyzmetkeriniń qatysýymen kisi ólimi oryn aldy», - delingen Ásemniń jelide jarııalaǵan habarlamasynda.
Ásemgúl Qanatqyzy «Adyrna» tilshisine bergen suhbatynda oqıǵanyń mán- jaıyn aıtty.
- Qaıǵyly tragedııa oryn alǵan kún esińizde me?
- Iá, inimniń denesiniń saý jeri bolmady. Oǵan 22 jerinen pyshaq jaraqatyn salyp, asa qatygezdikpen óltirgen. Qaıǵyly oqıǵa memlekettik qupııalardy saqtaıtyn rejımdik nysan bolyp tabylatyn jerde bolǵan. Spırttik ishimdiktermen dastarhan jaıylyp, inimniń áriptesteri arasynda kishigirim otyrys bolǵan. Alaıda otyrys barysynda janjal týyp, keıinnen ǵımarattyń syrtynda inimdi óltirgen.
- Tergeý barysy qalaı júrip jatyr? Kináliler tergelip jatyr ma?
- Tergeý 7 aı boıy júrgizildi, biraq áli kúnge deıin meniń baýyrymnyń óltirilýine qatysy barlarǵa qatysty ádildik pen jazany talap ete almaı otyrmyz. Tergeý barysynda bizdiń oıymyzsha, zań buzýshylyqtar oryn alǵan. Kináli tek bir adam retinde tanyldy. Biraq áskerı komıssarıat qyzmetkerleri jasyrynyp tur! Tergeýde kóptegen sátter eskerilmeı qaldy! Qylmys pyshaqpen jasalǵan. Alaıda qylmystyń izderi tekserilmedi, Beıne jazbalardaǵy beıneler alynbaǵan. Kóptegen kúdiktilerdi jasyrý boıynsha is qozǵalmady. Polıeı qyzmetkeri abaısyzda meniń baýyrymnyń máıiti tabylǵan jerdegi foto men vıdeony WhatsApp qosymshasynda taratqan. Bul óte sumdyq!
Asqan qatygezdikpen óltirilgen er adam aýdandyq komıssarıatta jumys istegen. Marqum bolǵan jigit nebári 10 kún jumys istep úlgergen.
- Ol (marqum) áskerı komıssarıatta jumysqa 10 kún buryn kirgen. Ol áskerı kafedrany bitirgen. Mamandyǵy - tehnolog," - deıdi marqumnyń ápkesi.
Sondaı-aq, marqum Rahattyń ápkesi qylmystyq iske qatysty sot otyrysy birneshe ret keıinge shegerilgenin habarlady.
Munyń sebebin surap, iske qatysty Abaı oblysy Semeı qalalyq aýdanarylyq sotyna suraý saldyq. Resmı organ úsh jumys kúni ishinde jaýap joldaıtynyn habarlady. Búgin úshinshi kún, ázirge jaýap joq.
Symbat Naýhan
«Adyrna» ulttyq portaly
