20 qazan kúni Almaty qalasynda aýǵan taýarlarynyń kórmesi ashyldy, dep habarlaıdy «Adyrna» tilshisi.
Qoldan toqylǵan kilemder, jemister men kókónister, jańǵaqtar, shafran shaıy, antıkvarıat, qurylys materıaldary, asyl tastar, kondıterlik ónimder jáne basqa da kóptegen dástúrli aýǵan taýarlary Atakent-Ekspo kórme kesheninde usynyldy. Odan bólek, kórmede qylysh, tapansha men qanjar da satylyp jatyr.
«Qarýlardy Qazaqstanǵa ákelýde qıyndyqtar bolǵan joq. Bizge Aýǵanstan úkimeti kómektesti»,—dedi kásipkerlerdiń biri.
Bul Qazaqstanda ótkizilip jatqan dástúrli aýǵan ónimderiniń ekinshi kórmesi, ony Saýda jáne ıntegraııa mınıstrligi men Qaztrade saýda saıasatyn damytý ortalyǵynyń qoldaýymen uıymdastyrdy. Is-sharanyń ashylýyna vıe-premer Serik Jumanǵarın men Aýǵanstannyń saýda jáne ónerkásip mınıstri Nýrıddın Azızı qatysty.
«Qazaqstan Aýǵanstandy Ońtústik jáne Ortalyq Azııadaǵy mańyzdy ári ajyramas seriktes retinde qarastyrady. Ǵalamdyq daǵdarystarǵa qaramastan, eki el arasyndaǵy saýda-ekonomıkalyq yntymaqtastyq damyp keledi. Qazaqstan óz ónimin aýǵan naryǵyna shyǵarýmen ǵana shektelmeı, aýǵan taýarlarynyń da qazaqstandyq naryqqa shyǵýyna járdemdesip keledi», – dep atap ótti Jumanǵarın.
Kórmede vıe-premer aýǵan halatyn kıip kórdi. Sondaı-aq Qazaqstan úkimetine saǵat tartý etildi.
Aıta keteıik, Almatydaǵy dástúrli aýǵan taýarlarynyń kórmesi 2024 jyldyń 20-22 qazan aralyǵynda ótedi. 22 qazan kúni qazaqstan-aýǵan bıznes-forýmy ótedi, onyń aıasynda qatysýshylar B2B kezdesýlerinde yntymaqtastyqtyń jańa múmkindikterin talqylaıdy.
