Buqar Jyraý aýdanynda bódene ósiretin qus fermasy men irimshik zaýyty iske qosyldy. Eki kásiporyn da memlekettik granttardyń arqasynda ashyldy.
Doskeı kentiniń turǵyny Danııar Tatyǵulov 34 jasta. Ol kópbalaly otbasynyń otaǵasy. 2024 jyly "Bastaý Bıznes" baǵdarlamasy boıynsha oqýdan ótip, "2024–2029 jyldarǵa arnalǵan eńbek naryǵyn damytý tujyrymdamasy" sheńberinde memlekettik grant aldy.
Marınadtalǵan jáne ystalǵan bódene etin óndiretin kásiporyn ashý úshin ol 1 476 800 teńge aldy.
Eki myń jumyrtqaǵa arnalǵan ınkýbator, vakýýmdyq tyǵyzdaǵysh, almaly-salmaly mashınany, et ystaıtyn pesh jáne muzdatqysh satyp aldy.
Qazir kásipker bódene ósirip jatyr.
Úshtóbe aýylynda irimshik zaýyty iske qosyldy. Ony úsh balanyń anasy Ásemgúl Elýbaeva ashty. Ol da "Bastaý Bıznes" baǵdarlamasy boıynsha oqýdan ótip, grant aldy. Berilgen bir jarym mıllıon teńgege 30 lıtrlik irimshik zaýytyn satyp aldy.
"Granttar halyqtyń áleýmettik osal toptaryndaǵy adamdarǵa: kóp balaly otbasylardyń múshelerine, múgedekterge, múgedek balalardyń ata-analaryna, AÁK alýshylarǵa bólindi. Memlekettik qarajatqa olar tigin kásipornyn, kondıterlik eh, jartylaı fabrıkattar óndirisin, qyzmet kórsetý jáne bilim berý salasyndaǵy startaptardy iske qosty, – dep habarlady Qaraǵandy oblysy boıynsha eńbek utqyrlyǵy ortalyǵynyń baspasóz qyzmeti. – 2024 jyly 183 grant berýge 270 mıllıon teńgeden astam qarajat bólindi".
