Izraıl premer-mınıstri Bınıamın Netanıahý AQSh-qa Irannyń áskerı nysandaryna soqqy berýge daıyn ekenin aıtty. Bul týraly The Times of Israel basylymy jarııalady, dep habarlaıdy “Adyrna” ulttyq portaly.
Aqparatqa sáıkes, Netanıahý bul málimdemeni ótken aptada prezıdent Baıdenmen telefon arqyly sóıleskende, Izraıldiń 1 qazandaǵy ballıstıkalyq zymyran shabýyly úshin Iranǵa jaýap qaıtarý josparyn talqylaǵan kezde jasaǵan.
Derekkózderdiń biri premer-mınıstrdiń shabýyldy AQSh-taǵy aldaǵy saılaýǵa áser etpeý úshin josparlaýǵa keliskenin atap ótti. Energetıkalyq nysandarǵa jasalǵan shabýyl munaı baǵasynyń ósýine ákelýi múmkin, bul vıe-prezıdent Kamala Harrıstiń benzın baǵasynyń ósýine narazy saılaýshylar arasyndaǵy bedeline nuqsan keltirýi múmkin.
Aty-jónin atamaǵan sheneýniktiń aıtýynsha, Izraıldiń jaýaby «álsizdiktiń paıda bolýyn» boldyrmaý úshin 5 qarashadaǵy saılaýǵa deıin bolady.
Iran buǵan deıin Parsy shyǵanaǵy elderine osy baǵytty shabýyl jasaý úshin Izraılge áýe keńistigin ashý «soǵys áreketi» bolatynyn eskertken.
Aıta keteıik, 1 qazan kúni keshke Izraıldiń Beırýtke jasaǵan shabýyly kezinde lıvandyq shııt «Hezbolla» tobynyń jetekshisi Hasan Nasrallanyń qazasyna jaýap retinde Iran Izraılge 200-den astam zymyran ushyrdy. Tegeran negizgi nysana retinde áskerı ınfraqurylymdy atady. Sonymen birge Iran Izraıldiń kelesi shabýyly bolǵan jaǵdaıda jaýap beretinin eskertti.
Izraıl tarapy jaýap beretinine ýáde berdi. Izraıl qorǵanys mınıstri Ioav Gallant sol sátte Iran «oǵan ne bolǵanyn jáne qalaı bolǵanyn túsinbeıdi» dedi.
