Bakude ötıp jatqan Aziiadaǧy özara ıs-qimyl jäne senım şaralary keŋesınıŋ VII sammitı aiasynda prezident Qasym-Jomart Toqaev İzrail prezidentı İshak Gersogpen kezdestı. Būl turaly 15 qazanda Aqordanyŋ baspasöz qyzmetı aitty, dep habarlaidy «Adyrna» tılşısı.
Memleketter basşylary Qazaqstan-İzrail qarym-qatynasy qarqyndy sipat alǧanyna toqtaldy. Sondai-aq sauda-ekonomikalyq jäne investisiialyq yqpaldastyqqa den qoia otyryp, maŋyzdy baǧyttar boiynşa yntymaqtastyqty damytu perspektivasyn talqylady.
Qasym-Jomart Toqaev İshak Gersogtıŋ säuır aiynda Astanaǧa jasaǧan sapary memleketter arasyndaǧy bailanysty nyǧaituǧa aitarlyqtai serpın bergenıne nazar audardy.
İzrail prezidentı de Qazaqstanǧa saparyn rizaşylyqpen eske aldy. Onyŋ pıkırınşe, elımızdıŋ köptegen salada alǧa basuy ekıjaqty yqpaldastyqty ılgerıletuge jol aşady.
İshak Gersog Qazaqstannyŋ Beibıtşılık keŋesıne qosyluyn qūptap, būl oqiǧanyŋ beibıtşılık pen tūraqtylyqty nyǧaituǧa qosylǧan zor üles ekenın atap öttı.
Sondai-aq taraptar halyqaralyq kün tärtıbındegı özektı mäseleler, sonyŋ ışınde Taiau Şyǧystaǧy ahual jönınde pıkır almasty.
Memleket basşysy şielenıstı bäseŋdetıp, qaqtyǧystardy diplomatiia qūraldary arqyly retteu qajettıgın jetkızdı jäne Qazaqstannyŋ osy qaǧidatty berık ūstanatynyn aitty.
