Şahtinsk qalasyndaǧy köpqabatty üilerdıŋ bırınde Ūlttyq ūlannyŋ äskeri qyzmetkerınıŋ mäiıtı tabyldy. Būl oqiǧaǧa qatysty QR Ūlttyq ūlany «Ortalyq» öŋırlık qolbasşylyǧynyŋ baspasöz qyzmetı resmi mälımdeme jasady.
«13 qazanda Şahtinsk qalasynda qyzmetten tys uaqytta özı tūryp jatqan päterden kelısımşart boiynşa äskeri qyzmetşınıŋ denesı tabyldy. Boljamdy aqparatqa säikes, äskeri qyzmetşı otbasylyq-tūrmystyq janjal negızınde özıne qol jūmsaǧan. Qazaqstan Respublikasy Ūlttyq ūlany «Ortalyq»öŋırlık qolbasşylyǧy äskeri qyzmetşınıŋ tuystary men jaqyndaryna köŋıl aitady»,—delıngen habarlamada.
Atalǧan fakt boiynşa qylmystyq ıs qozǧaldy. Oqiǧanyŋ sebep-saldary anyqtalyp jatyr.
Zaŋ boiynşa Ūlttyq ūlan işki ister organdarynyŋ biryŋǧai jüiesine kiredi. Ūlandyqtar jeke bastyŋ, qoǧam men memlekettiŋ qauipsizdigin qamtamasyz etuge, adamnyŋ jäne azamattyŋ qūqyqtary men bostandyqtaryn qorǧaidy.Al 14 qazanda Priozersk garnizonyndaǧy äskeri bölımderdıŋ bırınde merzımdı qyzmettegı äskeri qyzmetker özın-özı atap öltırdı. Būl turaly Qūrlyq äskerlerınıŋ baspasöz qyzmetı mälım ettı.
«Äskeri qyzmetker qarauyl qyzmetınde mındetterın oryndaǧan uaqytta bekıtılgen qaruynan basyna oq atqan. Atalǧan oqiǧa äskeri qyzmet ötkerumen bailanysty emes. Aldyn ala mälımetter boiynşa, marqūm otbasylyq-tūrmystyq janjal negızınde özıne qol jūmsaǧan. Qylmystyq ıs qozǧaldy, män-jailar anyqtalyp jatyr»,—delıngen habarlamada.
Aita keteiık, bilık būǧan deiın de äskeri qyzmetkerlerdıŋ ölımın otbasylyq kikıljıŋmen bailanystyrǧan.
30 qyrküiek künı Aqtauda äskeri qyzmetker üiınen ölı tabyldy. Aqtau garnizony baspasöz qyzmetı «aldyn ala mälımetke sai, kelısımşart boiynşa qyzmet atqarǧan serjant otbasyndaǧy janjaldan soŋ özıne qol salǧan» degen mälımdeme jasady.
Al 21 qyrküiekte Petropavl qalasyndaǧy üilerdıŋ bırındegı jertöleden qorǧanys ısterı basqarmasynyŋ äskeri qyzmetkerı ölı tabyldy. Soltüstık Qazaqstan oblysy qorǧanys ısterı departamentınıŋ baspasöz qyzmetı «aldyn ala mälımet boiynşa äskeri qyzmetşı otbasylyq-tūrmystyq janjal sebebınen suisid jasaǧan» dep aqparat taratty.
Soŋǧy kezderı äskeri qyzmetkerlerdıŋ ölımı turaly taratylǧan resmi mälımdemenıŋ denınde "otbasylyq-tūrmystyq janjal negızınde özıne qol jūmsaǧan" delınedı. Taǧy da ünemı derlık qaitalanatyn tırkes - ölım oqiǧalary "äskeri qyzmet ötkerumen bailanysty emes" bolyp şyǧady. Jäne resmi mälımdemelerde osyndai oqiǧalardy qyzmetten tys uaqytta örıs alǧan dep tüsındıruge tyrysu baiqalady. Al şyn mänınde oqiǧalar tekserılıp bolmastan, osyndai baǧaǧa ie bolatyny taŋǧaldyrady. Äskerge salsaq, tüitkıldıŋ bärı otbasydan şyqqan. Äzırge osy mäselege parlament te sūrau salǧan emes, bilık te qoǧam qanaǧattanatyndai tüsınık bergen joq.
