V Dúnıejúzilik kóshpendiler oıynynda Ulytaý oblysynyń namysyn qorǵaǵan sportshylar búgin óńirge oralyp, Ulytaý oblysy ákimi Berik Ábdiǵalıulynyń qabyldaýynda boldy. Óńir basshysy «Uly dala dúbirinen» oralǵan azamattarǵa alǵys bildirip, yntalandyrý qarajaty sertıfıkatyn tabys etti.
Atap aıtar bolsaq, dodada ashyrtmaly aba gıýreshınen kúmis júldege ıe bolǵan Ǵalymov Aıdos Qaıratuly Ulytaý oblysynyń qurmet gramotasymen marapattalyp, 700 myń teńgelik aqshalaı sertıfıkatqa, al mas-restlıngten qola júldegeri Birimjan Asylmurat Nurbolatuly, 500 myń teńgelik aqshalaı sertıfıkatqa ıe boldy.
Bul turǵyda bapkerler de marapatsyz qalmady. Ulytaý oblysynyń qurmet gramotasymen Ǵalymov Aıdostyń jeke bapkeri Barmenov Asyl marapattalyp, 350 myń teńgelik aqshalaı sertıfıkatqa ıe boldy. Óńir basshysy Birimjan Asylmurattyń jeke bapkeri Ábdihamıt Asqarǵa da qurmet gramotasyn tabys etip, 250 myń teńgelik aqshalaı sertıfıkatpen yntalandyrdy.
Kóshpendiler oıyndaryna Ulytaý oblysynan sportshylar, bapkerler, kerýen músheleri, ónerpazdar, qolónershiler, gıd mamandary, uıymdastyrý alqasynyń músheleri, jalpy sany 150-ge jýyq azamat tikeleı qatysty.
Kóshpendiler oıyndarynda basty qasıetti nyshan jáne negizgi element Sý boldy. Oıyndar qarsańynda Qazaqstannyń barlyq óńiriniń qasıetti bulaqtarynan ashylý rásimine aparylatyn sý alyndy. «Birlik kerýeni» jobasy aıasynda quramynda «Batyr qyz» jáne 10 elshiden quralǵan oblysymyzdyń ókilderi Ulytaýdaǵy Tasbulaqtan sý alyp, ony etnoaýyldyń ashylý saltanatynda «Taıqazanǵa» quıý rásimine qatysyp, ózderine júktelgen jaýapty isti abyroımen atqaryp keldi.
Sondaı-aq, is-shara aıasynda Astanada «Kóshpendiler álemi» etnoaýyly boı kóterip, Ulytaý oblysy 3 kıiz úıin tikti. Onda árbir kelýshi qonaqtarǵa qazaq halqynyń salt-dástúrleri qoıylym retinde usynylyp, týrısterge oblysymyzdyń tarıhı-mádenı oryndary tanystyryldy. Odan bólek, bizdiń kıiz úılerdiń qonaqtaryna arnap 80-ge jýyq kóne jádiger eksponattar qoıyldy.
Dúnıejúzilik kóshpendiler oıyndarynyń mádenı konerttik baǵdarlamasy aıasynda, basty sahnada 100-ge jýyq Ulytaý oblysynyń ónerpazdary «Han ordadan Aq ordaǵa sálem» atty konerttik baǵdarlamasyn jurtshylyqqa usynyp, úlken qoshemetke bólendi. Jerlesterimiz, estrada juldyzdary Qydyráli Bolman, Qaraqat Ábildına sekildi óner maıtalmandarynyń da oblys shashbaýyn kótergenin aıta ketýimiz kerek.
